2025 جىلدىڭ العاشقى التى ايىندا ەلىمىزدىڭ ەكىنشى دەڭگەيلى بانكتەرى 1,4 ترلن تەڭگە كولەمىندە تازا پايدا تاپتى. بۇل تۋرالى ۇلتتىق بانكتىڭ رەسمي ستاتيستيكاسىندا كورسەتىلگەن, دەپ جازادى Egemen.kz.
ماۋسىم ايىنىڭ قورىتىندىسىنا سايكەس, ءبىر اي ىشىندە بانكتەردىڭ جيىنتىق تازا پايداسى 235 ملرد تەڭگەگە ارتىپ, 1,14 ترلن تەڭگەدەن 1,37 ترلن تەڭگەگە جەتكەن.
سالا اكتيۆتەرى دە وسە ءتۇستى: مامىردا 63,36 ترلن تەڭگە بولعان كورسەتكىش ماۋسىم سوڭىندا 64,84 ترلن تەڭگەگە دەيىن ۇلعايعان. بانكتەردىڭ مىندەتتەمەلەرى ءبىر اي ىشىندە 1,2 ترلن تەڭگەگە ءوسىپ, 55,5 ترلن تەڭگەنى قۇرادى. ال مەنشىكتى كاپيتال 9,4 ترلن تەڭگەگە جەتىپ, ايلىق ءوسىم 400 ملرد تەڭگەنى قۇرادى.
بانك سەكتورىنداعى جەكە قارجى ۇيىمدارىنىڭ تابىسى تۋرالى مالىمەتتەر اي سوڭىنا قاراي جاريالانادى. ال مامىر ايىنداعى دەرەككە سايكەس, ەڭ جوعارى تازا پايدا كورسەتكەن ءۇش بانك قاتارىندا Halyk Bank, Kaspi Bank جانە اتاۋىن Alatau City Bank دەپ وزگەرتكەن بۇرىنعى Jusan Bank بولدى.