اۋىر اتلەتيكادان استانادا ءوتىپ جاتقان الەم چەمپيوناتىنىڭ بۇگىنگى جارىس كۇنىندە وتانداسىمىز كيرا دانيلوۆا توپ جاردى, دەپ جازادى Egemen.kz.
كيرا دانيلوۆا 69 كەلىگە دەيىنگى سالماقتا جاسوسپىرىم قىزدار اراسىنداعى سايىستا باق سىنادى.
ۇلتتىق وليمپيادا كوميتەتىنىڭ مالىمەتىنشە, قوسسايىس ناتيجەسىندە ەل سپورتشىسى 198 (87+111) كەلىنى ەڭسەرگەن.
جالپى ەسەپتە 186 (81+105) كەلىنى كوتەرگەن وزبەكستاندىق دينۋرا حولدوروۆا ەكىنشى تۇعىرعا كوتەرىلسە, ۇشتىكتى تاعى ءبىر قازاقستاندىق زىلتەمىرشى سوفيا شالگينا 175 (82+93) كەلىمەن تۇيىندەدى.