بۇگىن, 3 شىلدە كۇنى ساعات 13:58-دە, استانا ۋاقىتى بويىنشا اۋعانستان اۋماعىندا جەر سىلكىنىسى تىركەلدى. بۇل تۋرالى قر توتەنشە جاعدايلار مينيسترلىگىنىڭ «ۇلتتىق سەيسمولوگيالىق باقىلاۋ جانە زەرتتەۋ عىلىمي ورتالىعى» جشس حابارلادى, دەپ جازادى Egemen.kz.
سەيسمولوگيالىق ستانتسيالار جەلىسىنىڭ مالىمەتىنشە, جەراستى ءدۇمپۋى سولتۇستىك ەندىك 37.23°, شىعىس بويلىق 70.88° كوورديناتتارىندا بولعان. ءزىلزالانىڭ ماگنيتۋداسى mb = 5, ال ەنەرگەتيكالىق كلاسى K = 10.9 دەڭگەيىندە تىركەلگەن.
ايتا كەتەيىك, بۇل اۋعانستاندا سوڭعى كۇندەرى تىركەلگەن ەكىنشى جەر سىلكىنىسى. ەستەرىڭىزگە سالا كەتەيىك, 30 ماۋسىم كۇنى تاڭعى ساعات 07:32-دە دە ءدال وسى وڭىردە جەر ءدۇمپۋى بايقالعان ەدى.
سونىمەن قاتار سوڭعى ۋاقىتتا الەمنىڭ ءارتۇرلى بولىكتەرىندە سەيسميكالىق بەلسەندىلىك ارتقانى بايقالادى. ماسەلەن, جاپونيادا سوڭعى ەكى اپتاعا جۋىق ۋاقىتتا 900-گە جۋىق جەر سىلكىنىسى تىركەلگەن.