الماتى وبلىسىندا «زاڭ جانە ءتارتىپ» يدەولوگياسىن ىلگەرىلەتۋ اياسىندا سيمۆوليكالىق شارا ءوتتى. قۇقىق قورعاۋ ورگاندارىنىڭ قىزمەتكەرلەرى 4120 مەتر بيىكتىكتەگى تاۋعا بىرلەسىپ شىعىپ, شىڭ باسىنا «زاڭ جانە ءتارتىپ» جالاۋىن تىكتى. بۇل – زاڭ ۇستەمدىگى ەڭ جوعارى تۇعىرعا قويىلعان مەملەكەتتە تۇراقتىلىق پەن بولاشاققا سەنىمدى بىلدىرەتىن نىشان, دەپ حابارلايدى Egemen.kz.
شاراعا ىشكى ىستەر مينيسترلىگى, باس پروكۋراتۋرا, قارجىلىق مونيتورينگ اگەنتتىگى جانە سىبايلاس جەمقورلىققا قارسى قىزمەت وكىلدەرى قاتىستى.
تۋ ۇستاۋ – زاڭ ۇستەمدىگى ەڭ جوعارى ورىندا تۇرعان مەملەكەتتە تۇراقتىلىق, دامۋ جانە بولاشاققا دەگەن سەنىم بار دەگەندى بىلدىرەدى.
قازاقستان پرەزيدەنتى قاسىم-جومارت توقاەۆ زاڭ مەن ءتارتىپ – ادىلەتتى مەملەكەتتىڭ ىرگەتاسى ەكەنىن ۇنەمى اتاپ وتەدى. ونسىز ەكونوميكالىق دامۋ, ينۆەستيتسيالار جانە ازاماتتاردىڭ سەنىمى مۇمكىن ەمەس. ادىلەتتىلىك قالىپتى قۇبىلىسقا اينالۋى كەرەك, ال زاڭسىزدىق – ەرەكشەلىك قانا بولۋى ءتيىس. تەك وسى جولمەن ءار ازامات ءوزىن قورعالعان سەزىنەتىن زاماناۋي مەملەكەت قۇرۋعا بولادى.
مارشرۋت تۇيىقسۋ, مىڭجىلقى شاتقالدارى, الپينگراد الپينيستىك الاڭى مەن مانشۇك مامەتوۆا اسۋى ارقىلى ءوتتى. بۇل – ادىلەت پەن جاۋاپكەرشىلىككە اپارار جولدىڭ سيمۆولى.