بەكزات التىنبەكوۆ, جەزقازعان قالالىق ماسليحاتىنىڭ دەپۋتاتى.
ەلباسىنىڭ العا قويعان ايقىن مىندەتتەرى, ناقتى تاپسىرمالارى, حالىققا ارتقان سەنىمى ءبارىمىزدى اركەز قاناتتاندىرىپ وتىرادى. دامۋدىڭ داڭعىل جولىن جاڭعىرتۋشى قازاقستانىمىزدىڭ قادامى قارىشتى بولا تۇسپەكتىگى قۋانتادى. الدا كەشەگىدەن دە بيىك اسۋلار تۇرعاندىعى جاڭا 5 ينستيتۋتتىق رەفورمانى ىسكە اسىرۋعا كىرىسۋدى كورسەتىپ وتىر. وسىعان وراي, جاڭعىرتۋ جونىندەگى ۇلتتىق كوميسسيا قۇرىلۋىن قولدايمىز. اتالعان قۇرىلىم قىزمەتى ارقىلى مەملەكەتتىك ورگانداردىڭ, شاعىن جانە ورتا بيزنەستىڭ, ازاماتتىق قوعامنىڭ ءىس-قيمىلى ۇيلەسىم تابۋى ارتا تۇسەرى ءسوزسىز.
2003 جىلدان باستاپ جەكە كاسىپكەر رەتىندە تىركەلىپ, شارۋاشىلىق جۇرگىزۋدە وسى سالانى جەتىلدىرۋگە مەملەكەت تاراپىنان بارىنشا مۇمكىندىك جاسالىپ كەلە جاتقانىنا كۋامىن. سونىڭ شاراپاتى جەزقازعاندىق ارىپتەستەرىمدەي ماعان دا ءتيدى. قالادا تۇرعىندارعا تۇرمىستىق قىزمەت كورسەتەتىن ورىندارمەن قاتار بيزنەس جانە كولىك كوللەدجىن اشۋعا مۇرىندىق بولۋىم وسى سالانىڭ ماماندارىن دايارلاۋعا سەپتىگىن تيگىزىپ ءجۇر. ەلباسىنىڭ تاپسىرماسىمەن سالىنعان جەزقازعان – بەينەۋ تەمىرجولىندا جۇمىس ىستەۋشىلەردىڭ باسىم بولىگى – ءبىزدىڭ تۇلەكتەر.
كوميسسيانىڭ رەفورمانى ورىنداۋ ءۇشىن قاجەتتى بارلىق وزەكتى ماسەلەلەردى تەرەڭ تالقىلاپ, بايىپتى باقىلاپ, ۇمتىلىسقا ۇلكەن قوزعاۋ سالار شەشىمدەر قابىلدايتىن قۇرىلىم بولاتىنىنا سەنەمىز. كۇتەرىمىز دە, تىلەۋىمىز دە سول.
جەزقازعان.