كوبەلەكتىڭ قاناتى نەگە سونشالىق جارقىراپ, ەرەكشە تۇستەرگە بويالعانىن بىلەسىز بە؟ بۇل ادەمىلىك بوياۋدان ەمەس, جارىققا قالاي شاعىلاتىنىنا بايلانىستى.
عالىمدار مۇنى «قۇرىلىمدىق ءتۇس» دەپ اتايدى. قاناتتىڭ بەتىندە ميكروسكوپپەن عانا كورىنەتىن وتە مايدا قابىرشاقتار بولادى. سول قابىرشاقتار كۇن ساۋلەسىن ءتۇرلى باعىتقا شاعىلدىرىپ, كوز تارتار رەڭ بەرەدى. بىراق ول قابات وتە نازىك, ەگەر قانات قاتتى نارسەگە تيسە نەمەسە ءسال قاجالسا, ءتۇسى بىردەن جوعالىپ كەتەدى. عالىمدار وسى تابيعي تەتىكتەن شابىت الىپ, قازىر بوياۋسىز-اق ءتۇرلى ءتۇس بەرەتىن ماتەريالدار مەن جارىقتى ۇنەمدەيتىن ديسپلەي تەحنولوگيالارىن جاساپ جاتىر.
رامازان ورىنباسار,
ل.ن.گۋميلەۆ اتىنداعى ەۇۋ-دىڭ 3-كۋرس ستۋدەنتى