ءۇندىستاننىڭ تاميلناد شتاتىندا ورنالاسقان فەيەرۆەرك شىعاراتىن زاۋىتتا جويقىن جارىلىس بولىپ, 23 ادام قازا تاپتى. تاعى التى جۇمىسشى جاراقات الىپ, اۋرۋحاناعا جەتكىزىلگەن, دەپ حابارلايدى Egemen.kz.
وقيعا ۆيرۋدحۋناگار اۋدانىنداعى كاسىپورىندا بولعان. جارىلىس كەزىندە زاۋىتتا شامامەن 30 ادام جۇمىس ىستەپ جاتقان.
قۇتقارۋ قىزمەتىنىڭ مالىمەتىنشە, جارىلىس شامامەن ساعات 15:30-دا پيروتەحنيكالىق ونىمدەرگە ارنالعان شيكىزات وڭدەلىپ جاتقان اۋماقتا بولعان. سوققى كۇشى سونشالىق, ءۇش عيمارات تولىق قيراپ, ماڭايداعى قۇرىلىستار دا بۇزىلعان.
پاناماداعى الاپات ءورت: تانكەر جارىلىسىنان ءبىر ادام قازا تاپتى
قۇتقارۋ جۇمىستارى كەزىندە ەكىنشى جارىلىس بولىپ, ءبىر ءورت ءسوندىرۋشى اۋىر جاراقات العان.
جەرگىلىكتى بيلىك 23 ادامنىڭ قازا تاپقانىن راستادى. زارداپ شەككەن التى ادام اۋداندىق اۋرۋحانادا ەم قابىلداپ جاتىر.
الدىن الا دەرەككە سايكەس, كاسىپورىننىڭ ليتسەنزياسى بولعانىمەن, ءوندىرىس الاڭىندا 100-دەن استام جۇمىسشى بولۋى مۇمكىن دەگەن مالىمەت بار. جارىلىستان كەيىن زاۋىت يەسى قاشىپ كەتكەن, قازىرگى ۋاقىتتا ول ىزدەستىرىلىپ جاتىر. پوليتسيا قىلمىستىق ءىس قوزعاپ, كاسىپورىننىڭ ليتسەنزياسىن قايتارىپ الۋ ماسەلەسىن قاراستىرىپ جاتىر.
شاحتينسكىدەگى جارىلىس: پاتەردى قاساقانا ورتەدى دەگەن كۇدىككە ىلىنگەن ەر ادام ۇستالدى
ايتا كەتەيىك, بۇل – اتالعان وڭىردە سوڭعى بىرنەشە كۇن ىشىندە بولعان ەكىنشى قايعىلى وقيعا. وسىعان دەيىن ورىن العان تاعى ءبىر جارىلىس ءتورت ادامنىڭ ءومىرىن قيعان بولاتىن.