سۋرەت جي كومەگىمەن جاسالعان
تەرگەۋ دەرەكتەرىنە سايكەس, كۇدىكتى 2020-2025 جىلدار ارالىعىندا ليتسەنزياسىز حالىققا تۇرمىستىق تەحنيكا كەپىلىمەن قارىز بەرۋ قىزمەتىن ۇيىمداستىرعان. اتاپ ايتقاندا, ۇيالى تەلەفون, تەلەديدار, ويىن پريستاۆكالارى, فوتواپپاراتتار جانە وزگە دە م ۇلىكتەر كەپىل رەتىندە قابىلدانعان.
زاڭسىز قىزمەتتى جاسىرۋ ماقساتىندا اتالعان ارەكەت كوميسسيوندىق دۇكەن رەتىندە راسىمدەلىپ كەلگەن. سونىمەن قاتار, ازاماتتارعا زاڭمەن بەلگىلەنگەن 0,3 پايىز شەكتى مولشەردەن الدەقايدا جوعارى – تاۋلىگىنە 3,7 پايىزعا دەيىن پايىزدىق مولشەرلەمە قولدانىلعان.
«ناقتى ءبىر جاعدايدا كليەنت 257 000 تەڭگە كولەمىندە 10 كۇنگە قارىز الىپ, 51 400 تەڭگە كوميسسيا تولەۋگە ءماجبۇر بولعان. زاڭ تالاپتارى بويىنشا مۇنداي تولەم 7 710 تەڭگەدەن اسپاۋى ءتيىس ەدى», دەلىنگەن قارجىلىق مونيتورينگ اگەنتتىگى اقتوبە وبلىسى دەپارتامەنتىنىڭ حابارلاماسىندا.
19 ملرد تەڭگەدەن استام زاڭسىز تابىس: «اكتيۆ لومبارد» يەسىنىڭ بىلىعى اشكەرە بولدى
تەرگەۋ ناتيجەسىندە زاڭسىز جولمەن الىنعان تابىس كولەمى 93 ميلليون تەڭگەدەن اسقانى انىقتالدى. سوت سانكتسياسىمەن كۇدىكتىنىڭ 3 اۆتوكولىگى مەن پاتەرىنە تىيىم سالىندى.
نۇربولات امانبەك
