فوتو: اقوردا
«مۇحتار شاحانوۆ بار عيبراتتى عۇمىرىن قاستەرلى ءسوز ونەرىنە ارناپ, قازاق پوەزياسىن جاڭا بەلەسكە كوتەرگەن, ءتول ادەبيەتىمىز بەن مادەنيەتىمىزدىڭ كوكجيەگىن كەڭەيتۋگە ەلەۋلى ۇلەس قوسقان قوعامىمىزدىڭ تۇعىرلى تۇلعاسى ەدى. ارقاشان ءتىل جاناشىرى رەتىندە يگىلىكتى ىستەردىڭ باستاۋىندا بولدى. شىعارمالارى كوپتەگەن شەت تىلدەرىنە ءتارجىمالاندى, جالىندى جىرلارىن قالىڭ وقىرمان ءسۇيىپ وقىدى. ونەگەلى ءومىر ءسۇرىپ, سوڭىنا مول ادەبي مۇرا قالدىرعان مۇحتار شاحانوۆتىڭ جارقىن بەينەسى حالقىمىزدىڭ جادىندا ماڭگى ساقتالادى», دەلىنگەن جەدەلحاتتا.
ەسكە سالايىق, بۇعان دەيىن قازاقتىڭ اقىنى, جازۋشىسى مۇحتار شاحانوۆ جانساقتاۋ بولىمىندە ەم قابىلداپ جاتقانىن جازعان ەدىك.
20 ساۋىرگە قاراعان ءتۇنى قازاقستاننىڭ حالىق جازۋشىسى مۇحتار شاحانوۆ ومىردەن ءوتتى.
