گەرمانيالىق تانىمال HiPP كومپانياسى اۋستريا, سلوۆاكيا جانە چەحيا نارىعىنان ءوز ونىمدەرىنىڭ ءبىر بولىگىن كەرى قايتارىپ جاتىر. بۇعان بالالار بوتقاسىنان ەگەۋقۇيرىق ۋىنىڭ تابىلۋى سەبەپ بولعان, دەپ حابارلايدى Egemen.kz.
ۋلى زات 5 ايلىق سابيلەرگە ارنالعان 190 گرامدىق ء«سابىز بەن كارتوپ» بوتقاسىنان انىقتالعان. كومپانيانىڭ مالىمەتىنشە, اتالعان ونىمدەر اۋسترياداعى SPAR سۋپەرماركەتتەرىنىڭ 1 000-نان استام نۇكتەسىنەن ساتىلىمنان الىنىپ تاستالعان. تۇتىنۋشىلارعا ساتىپ الىنعان تاۋار ءۇشىن تولىق اقشالاي وتەماقى ۇسىنىلىپ وتىر.
تاعى دا استان ۋلانۋ ما؟
سونداي-اق ءدال وسى ونىمگە ۇقساس پارتيالار چەحيا مەن سلوۆاكيادا دا پوليتسيا تاراپىنان تاركىلەنگەن. العاشقى زەرتحانالىق تالداۋلار تاعام قۇرامىندا ۋلى زاتتىڭ بولۋى مۇمكىن ەكەنىن كورسەتكەن.
قازىرگى ۋاقىتتا قۇزىرلى ورگاندار ءونىمنىڭ ناقتى قۇرامىن انىقتاۋ جانە ونىڭ نارىققا قالاي تۇسكەنىن تەكسەرۋ جۇمىستارىن جۇرگىزىپ جاتىر.