استانا. 14 اقپان. مەملەكەت باسشىسى نۇرسۇلتان نازارباەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردانىڭ ءباسپاسوز قىزمەتى حابارلادى.
ەكى ەلدىڭ كوشباسشىلارى ۋكراينا داعدارىسىن رەتتەۋگە ارنالعان مينسك كەزدەسۋىنىڭ قورىتىندىلارىن تالقىلادى.
قازاقستان پرەزيدەنتى ناق وسى «نورماند تورتتىگىنىڭ» جوعارى دەڭگەيدەگى كەزدەسۋى, اسىرەسە ۆلاديمير ءپۋتيننىڭ كەلىسسوزدەر كەزىندەگى بەلسەندى ۇستانىمى مينسكىدە كەلىسىمگە جەتۋگە سەپتىگىن تيگىزگەنىن اتاپ ءوتتى.
مەملەكەتتەر باسشىلارى قاقتىعىسۋشى ەكى تاراپتىڭ دا وق اتۋدى بەلگىلەنگەن ساعاتتا (2015 جىلعى 15 اقپان, 00.00 ساعات) توقتاتۋ تۋرالى ۋاعدالاستىقتى ورىنداۋى ەرەكشە ماڭىزدى ەكەنىنە توقتالدى.
قازاقستان مەن رەسەي پرەزيدەنتتەرى بەيبىت ۇدەرىستى قامتاماسىز ەتۋگە جۇمسالعان كۇش-جىگەر ۋكرايناداعى قاقتىعىس ماسەلەسىن شەشۋگە سەپتىگىن تيگىزەدى دەپ ۇمىتتەنەتىندەرىن جەتكىزدى.
ۆ.پۋتين سونداي-اق ەكونوميكا سالاسىنداعى بىرلەسكەن جۇمىستى تالقىلاۋ ءۇشىن بەلارۋس, قازاقستان جانە رەسەي باسشىلارىنىڭ استاناداعى ۇشجاقتى كەزدەسۋىنە قاتىسۋعا دايىن ەكەنىن راستادى.
تەلەفون ارقىلى سويلەسۋگە رەسەي جاعى باستاماشىلىق ەتتى.