«التىن ساپا» – سەنىم كەپىلى

ساۋدا جانە ينتەگراتسيا مي­نيس­ترلىگىندەگى سترا­تەگيالىق جوس­­پار­لاۋ جانە حالىقارالىق ىن­تى­ماق­­تاستىق باسقارماسىنىڭ باس­شىسى گۇلنار ياشكينانىڭ اي­تۋىنشا, بايقاۋ – وتىنىمدەردى قابىل­داۋ, ساراپتامالىق باعا­لاۋ, وقيعا ورنىندا تەكسەرۋ, كوميس­سيانىڭ قورىتىندى شەشىمى سىندى 4 كەزەڭنەن تۇرادى. جۇلدەگەر ۇيىم كونكۋرس لوگوتيپىن 4 جىل بويى جارنامالىق ماقساتتا پايدالانۋ قۇقىعىنا جانە 450 اەك كولەمىندە اقشالاي سىيلىققا يە بولادى. بايقاۋعا قاتىسۋدىڭ ەكونوميكالىق اسەرى زور. وتكەن جىلدارداعى مالىمەتتەردى تال­داۋ ماراپاتقا يە بولعان كومپانيا­لاردىڭ جىلدىق كىرىسىن ورتا ەسەپ­پەن 2,7 ەسە ارتتىراتىنىن كورسە­تەدى. ەڭ كوپ ءوسىم تۇتىنۋ تاۋارلارىن وندىرۋشىلەر (+2 ەسە) مەن ونەركاسىپتىك كاسىپورىندار (+1,7 ەسە) اراسىندا بايقالعان.

«التىن ساپامەن» قاتار «قا­زاق­ستاننىڭ ۇزدىك تاۋارى» رەس­پۋب­ليكالىق بايقاۋى مەن كورمە­سى دە وتكىزىلىپ ءجۇر. وندا ۇزدىك ونىمدەر 3 اتالىم بويىنشا تاڭ­دالادى – ونەركاسىپ تاۋارلارى, حالىققا ارنالعان تاۋارلار, ازىق-ت ۇلىك ونىمدەرى. بايقاۋعا قۇجات قابىل­داۋ 27 اقپاندا باستالىپ, 1 شىل­­دەدە اياقتالادى. قۇجاتتى باي­قاۋدىڭ رەسمي سايتى (www.altynsapa.kz) ارقىلى تاپسىرۋعا بولادى. فينالدا قاتىسۋشىلار ساراپ­تامالىق تەكسەرۋدەن وتەدى, ودان كەيىن پرەزيدەنت اكىمشى­لىگى جانىنداعى كوميسسيا 14 جەڭىم­پازدى انىقتايدى.

«التىن ساپا» – ءونىم مەن كورسەتىلەتىن قىزمەت ساپاسىن ارتتىرۋدا, ساپا مەنەدجمەنتى جۇيە­سىن ءتيىمدى ەنگىزۋدە جوعارى ناتي­جەگە قول جەتكىزگەن ۇيىمداردى انىقتاپ, ماراپاتتاۋعا ارنالعان. «قازاقستاننىڭ ۇزدىك تاۋارى» – وتاندىق تاۋار وندىرۋشىلەردى قولداۋ, ءونىم ساپاسىن جاقسارتۋ مەن ىشكى نارىقتى ساپالى, باسە­كەگە قابىلەتتى ونىمدەرمەن قام­تۋ ماقساتىندا وتكىزىلەدى», دەي­دى «اتامەكەن» ۇكپ رەسپۋب­ليكا­لىق كونكۋرستار مەن سىيلىق­تار­دى ۇيىمداستىرۋ جونىندەگى باس­قارۋشى ديرەكتورى مەرەي يساەۆا.

بيىلعى «التىن ساپا» سىي­لى­عى مەن «قازاقستاننىڭ ۇزدىك تاۋ­ارى» كورمە-بايقاۋىنا قا­تى­سۋ ءۇشىن وڭىرلىك دەڭگەيدە وقىتۋ سەمينارلارى ۇيىمداستىرىلىپ, بيز­نەس وكىلدەرىنە كونكۋرستىڭ وتكى­زىلۋ ءتارتىبى, تالاپتارى مەن ار­تىقشىلىعى جان-جاقتى ءتۇسىن­دىرىلىپ جاتىر. الماتى, جەتىسۋ, قىزىلوردا, جامبىل, قاراعاندى, اتىراۋ, اقتوبە, بقو, قوستاناي, تۇركىستان وبلىستارى مەن استانا, شىمكەنت قالاسىندا وتكەن سەمي­نارلارعا جالپى سانى 300-گە جۋىق كاسىپكەر قاتىستى.

«قاتىسۋشىلار كاسىپكەرلىك­پەن نەشە جىل اينالىسۋ كەرەك, مەملەكەت ۇلەسى قانشا بولۋعا ءتيىس, شەتەلدىك كومپانيالاردىڭ قاتىسۋ مۇمكىندىگى جانە جەڭىسكە جەتكەن جاعدايدا قانداي ىنتالاندىرۋ شارالارى قاراستىرىلعانى تۋرالى ساۋالداردى ءجيى قويدى», دەدى «التىن ساپا» بايقاۋىنىڭ لاۋرەاتى, «ADILI» برەندىنىڭ نەگىزىن قالاۋشى ينديرا ءادىل.

«بايقاۋلار كاسىپورىنداردىڭ حالىقارالىق دەڭگەيگە شىعۋىنا دا جول اشادى. ساراپشىلار كوم­پانيانىڭ مەنەدجمەنت جۇيەسى, ەكسپورتتىق الەۋەتى, جەرگىلىكتى قام­تۋ ۇلەسى مەن مەملەكەتتىك ورگاندار تاراپىنان شاعىمداردىڭ بولماۋىنا ەرەكشە نازار اۋدارادى», دەدى مەرەي يساەۆا.

5 ناۋرىز بەن 22 مامىر ارالى­­عىندا «التىن ساپا» كون­كۋر­سى­نا قاتى­سۋعا 104 سۋبەكتى, «قازاق­ستان­­نىڭ ۇزدىك تاۋارى» باي­قاۋىنا 279 شاعىن جانە ورتا بيز­نەس سۋبەك­­تىسى ءوتىنىم بەرىپ ۇلگەرگەن.