2025 جىلدىڭ 5 ماۋسىمىندا, ەكولوگتار كۇنىنە وراي, قر پرەزيدەنتى جانىنداعى ۇلتتىق عىلىم اكادەمياسى «ورتالىق ازياداعى بيوالۋانتۇرلىلىكتى ساقتاۋ ماسەلەلەرى مەن پەرسپەكتيۆالارى» اتتى حالىقارالىق فورۋم وتكىزدى.
ءىس-شارا مەملەكەت باسشىسىنىڭ بيولوگيالىق ارتۇرلىلىكتى ساقتاۋ جونىندەگى باستامالارىن ىسكە اسىرۋ اياسىندا ۇيىمداستىرىلدى. فورۋمدا ورتالىق ازيا ءوڭىرىنىڭ ەكوجۇيەلەرىن ساقتاۋ, ترانسشەكارالىق ىنتىماقتاستىق, عىلىمي زەرتتەۋلەر مەن جاڭا قارجىلىق جانە ينستيتۋتسيونالدىق تەتىكتەردى دامىتۋ ماسەلەلەرى تالقىلاندى. قر ەكولوگيا جانە تابيعي رەسۋرستار ۆيتسە-ءمينيسترى, حالىقارالىق ۇيىمداردىڭ ساراپشىلارى, عالىمدار مەن ماماندار قاتىسقان فورۋم اياسىندا SIGMA كەڭىستىكتىك مونيتورينگ جۇيەسى تانىستىرىلدى.
فورۋم قورىتىندىسىندا ۇسىنىستار مەن باستامالاردى قامتيتىن قارار ازىرلەۋ تۋرالى شەشىم قابىلداندى.
الينا قايراتقىزى, ەۇۋ ستۋدەنتى