عىلىمي جۋرنالداردى دامىتۋدىڭ ماسەلەلەرى مەن بولاشاعىنا ارنالعان حالىقارالىق كونفەرەنتسياعا 200-دەن اسا قازاقستاندىق عىلىمي جۋرنالداردىڭ, عىلىمي رەداكتورلار مەن باسپاگەرلەر قاۋىمداستىعىنىڭ, Taylor&Francis ءىرى باسپا ءۇيىنىڭ وكىلدەرى, Clarivate جانە Elsevier كومپانياسىنىڭ ستراتەگيالىق سەرىكتەستەرى, جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ عىلىمي جۇمىس جونىندەگى پرورەكتورلارى, سونداي-اق حالىقارالىق ساراپشىلار قاتىستى, دەپ حابارلايدى Egemen.kz.
عىلىم جانە جوعارى ءبىلىم سالاسىنداعى ساپانى قامتاماسىز ەتۋ كوميتەتى مەن اباي اتىنداعى قازۇپۋ بىرلەسىپ ۇيىمداستىرعان ءىس-شارا اياسىندا 7 سەسسيا ءوتتى, ونىڭ ىشىندە ۆوركشوپتار, دوڭگەلەك ۇستەل, پانەلدىك جانە پلەنارلىق سەسسيا. كونفەرەنتسيا بارىسىندا عىلىمي جاريالانىمدار مەن رەداكتسيالىق پروتسەستەردە گەنەراتيۆتى جي قولدانۋ, عىلىمي باسىلىمداردىڭ ماركەتينگى, وتاندىق پەداگوگيكالىق جۋرنالداردىڭ ماسەلەلەرى, ورتالىق ازيادا جەتەكشى وڭىرلىك جۋرنالدار قۇرۋ قاجەتتىلىگى ماسەلەلەرى قاراستىرىلدى. جەتەكشى حالىقارالىق ساراپشىلار عىلىمي جۋرنالداردى حالىقارالىق دايەكسوز جۇيەلەرىنە ىلگەرىلەتۋ بويىنشا ۇسىنىستار بەرسە, تاجىريبەلى رەداكتورلار رەداكتسيالىق پروتسەستەردى, عىلىمي باسىلىمنىڭ سايتىن, جاڭا عىلىمي جۋرنالدى اشۋعا جانە جۇرگىزۋگە ارنالعان ءىس-قيمىل الگوريتمىن جۇرگىزۋدەگى ۇزدىك تاجىريبەلەرىن ءبولىستى.
پلەنارلىق سەسسيادا كوميتەت توراعاسى عىلىمي قىزمەتتىڭ ناتيجەلەرىن جاريالاۋ ءۇشىن ۇسىنىلاتىن عىلىمي باسىلىمداردىڭ تىزبەسىن كەڭەيتۋ جانە دامىتۋ جونىندەگى جوسپارلارىنا توقتالدى. پرەزيدەنتى جانىنداعى ۇلتتىق عىلىم اكادەمياسىنىڭ ۆيتسە-پرەزيدەنتى اكادەميا بازاسىندا قازاقستاندىق عىلىمي كەزەڭدەر سالاسىنداعى پىكىرلەستەردى بىرىكتىرەتىن عىلىمي رەداكتورلار كەڭەسىنىڭ قۇرىلاتىنىن حابارلادى.
قاتىسۋشىلار تالقىلاناتىن تاقىرىپتاردىڭ جوعارى پراكتيكالىق قۇندىلىعىن جانە قازاقستاندىق عىلىمي جۋرنالداردىڭ جۇمىسىنا زاماناۋي تەحنولوگيالار مەن ستاندارتتاردى ەنگىزۋ قاجەتتىگىن اتاپ ءوتتى.