تۇركيانىڭ ءمارمار تەڭىزى جاعالاۋىندا ورنالاسقان مۇعلا قالاسىندا جەرگىلىكتى ۋاقىت بويىنشا تۇنگى ساعات 2:17-دە ماگنيتۋداسى 5.8 بالدىق جەر سىلكىنىسى تىركەلدى, دەپ حابارلايدى Egemen.kz TRT Haber تەلەارناسىنا سىلتەمە جاساپ.
جەراستى دۇمپۋلەرى مارمارا قالاسىنان 10 شاقىرىم قاشىقتىقتا, 67,91 كم تەرەڭدىكتە ورىن العان. ءزىلزالانىڭ كۇشى مۇعلامەن قاتار جاقىن ماڭداعى پروۆينتسيالاردا دا قاتتى سەزىلگەن.
العاشقى مالىمەتتەر بويىنشا, ءبىر تۇرعىن ەكىنشى قاباتتاعى ۇيىنەن ۇرەيمەن سەكىرىپ, قازا تاپقان. سونىمەن قاتار, وسىعان ۇقساس سەبەپتەرمەن 69 ادام ءتۇرلى دەڭگەيدە جاراقات العانى حابارلاندى.
جەر سىلكىنىسىنەن كەيىن تۇركيا بيلىگى تسۋنامي قاۋپىن جاريالاپ, تۇرعىنداردى قاۋىپسىزدىك شارالارىن ساقتاۋعا شاقىردى. ايماقتا قۇتقارۋ جانە جەدەل كومەك كورسەتۋ جۇمىستارى جۇرگىزىلىپ جاتىر.