قاراعاندى قالاسىنداعى ءاليحان بوكەيحان اۋدانىنىڭ پروكۋراتۋراسى قابىلداعان شارالاردىڭ ناتيجەسىندە 40 جەتىم جانە اتا-اناسىنىڭ قامقورلىعىنسىز قالعان بالاعا كوپتەن كۇتكەن باسپانا بەرىلگەن, دەپ حابارلايدى Egemen.kz.
پروكۋراتۋرا تۇرعىن ءۇي بەرۋ سالاسىنداعى زاڭبۇزۋشىلىقتاردى انىقتاپ, ماسەلەنى شەشۋ ءۇشىن جەرگىلىكتى اتقارۋشى ورگانداردىڭ قاتىسۋىمەن ءتيىستى جۇمىستار جۇرگىزگەن. ناتيجەسىندە, بالالارعا زاڭمەن بەكىتىلگەن تۇرعىن ءۇي قۇقىقتارى قامتاماسىز ەتىلگەن.
«بۇل – تەك باسپانا عانا ەمەس, ولاردىڭ قالىپتى جانە قاۋىپسىز ءومىر سۇرۋىنە جاسالعان ناقتى قادام. اۋدان پروكۋراتۋراسى بالالاردىڭ قۇقىقتارىن قورعاۋ باعىتىنداعى جۇمىسىن جالعاستىرادى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.