1 ماۋسىم – بالالاردى قورعاۋ كۇنىنە وراي ساتباەۆ قالاسىندا «قازاقمىس» كورپوراتسياسى مەن قالا اكىمدىگىنىڭ بىرلەسۋىمەن اباتتاندىرىلعان جاڭا دەمالىس ايماعى پايدالانۋعا بەرىلدى, دەپ حابارلايدى Egemen.kz.
دەمالىس ورنى ش. دىلدەباەۆ اتىنداعى مادەنيەت ءۇيىنىڭ قارسى بەتىندە ورنالاسقان.
جوبانىڭ جالپى قۇنى 650 ميلليون تەڭگەنى قۇرايدى. بۇل قارجىعا كەڭ كولەمدى اباتتاندىرۋ جۇمىستارى جۇرگىزىلىپ, قالالىقتار ءۇشىن قولايلى ءارى زاماناۋي دەمالىس ورنى جاساقتالدى. اۋماعىنا ورنەكتاس توسەلىپ, اعاشتار مەن جاسىل جەلەك وتىرعىزىلدى. بالالارعا ارنالعان ويىن الاڭدارى ورناتىلدى. ورىندىقتار, جارىق شامدارى جانە شاعىن ساۋلەت نىساندارى قويىلدى.
جاڭا نىساننىڭ باستى ەرەكشەلىگى – ينتەراكتيۆتى قۇرعاق سۋبۇرقاق. بۇل سۋبۇرقاق جازعى ىستىق كۇندەرى بالالار مەن ەرەسەكتەردىڭ سۇيىكتى دەمالىس ورنىنا اينالارى ءسوزسىز.
ساتباەۆ قالاسىنىڭ اكىمدىگى مەن «قازاقمىس» كورپوراتسياسى قالا تۇرعىندارىنىڭ ءومىر ءسۇرۋ ساپاسىن ارتتىرۋ باعىتىنداعى ىنتىماقتاستىقتى جالعاستىرىپ, الەۋمەتتىك ماڭىزدى جوبالاردى جۇزەگە اسىرۋدى ءارى قاراي دا جالعاستىرا بەرەدى.
ۇلىتاۋ وبلىسى