استانا. 14 اقپان. حوككەيدەن قازاقستاننىڭ ستۋدەنتتەر اراسىنداعى ەرلەر قۇراماسى يسپانيانىڭ گرانادا قالاسىندا قىسقى ۋنيۆەرسيادا شەڭبەرىندە چەحيا كومانداسىمەن جارتىلاي فينالدىق كەزدەسۋ وتكىزىپ, 2:1 ەسەبىمەن جەڭىسكە جەتتى. بۇل تۋرالى egemen.kz ءتىلشىسى حابارلادى.
كەزدەسۋ استانا ۋاقىتىمەن 03:40 مينۋتتا اياقتالدى.
وسى جەڭىستىڭ ناتيجەسىندە سەرگەي ستارىگين جاتتىقتىراتىن قازاقستان ستۋدەنتتەر قۇراماسى فينالعا شىقتى.
ماتچتىڭ سوڭعى كەزەڭىنە دەيىن جەرلەستەرىمىز 2:0 ەتىپ جەڭىپ تۇردى. ەسەپتى 13-مينۋتتا الەكسەي انتسيفەروۆ اشتى.29-مينۋتتا پاۆەل زياتكوۆ ەكىنشى شايبانى ءتۇسىردى. چەحتار ءۇشىنشى كەزەڭدە پەتر سكولۋدتىڭ كۇش سالۋىمەن ءبىر شايبانىڭ قارىمتاسىن قايتاردى. بىراق قارسىلاستار بۇدان ارتىققا بارا المادى
ءبىزدىڭ جىگىتتەر اقتىق سىندا رەسەي قۇراماسىمەن كەزدەسەدى. رەسەيلىكتەردىڭ كانادامەن ويىنىنىڭ نەگىزگى ۋاقىتى 2:2 بولىپ اياياقتالدى. ورىستار تەك بۋلليتتەن باسىم ءتۇسىپ, فينالعا جولداما الدى.
ماتچ بۇگىن, سەنبى كۇنى, 15 اقپانعا قاراعان ءتۇنى وتەدى.
دامير قوجامقۇل.