استانا. 13 اقپان. قىزىلوردا وبلىسى قازالى اۋدانى بەكارىستان بي اۋىلىندا مۇقاعالي ماقاتاەۆتىڭ تۋعان كۇنىنە 84 جىل تولۋىنا وراي «ەسىڭە مەنى العايسىڭ» اتتى پوەزيا كەشى ءوتتى. بۇل تۋرالى egemen.kz ءتىلشىسى حابارلادى.
پوەزيا كەشىنىڭ ماقساتى – وقىرمانداردى ۇلتتىق پوەزيامىزدىڭ جۇلدىزى, قازاقتىڭ ايگىلى اقىنى مۇقاعالي ماقاتاەۆتىڭ شىعارمالارىمەن تانىستىرۋ.
بۇل پوەزيا كەشىندە وقىرماندار اقىننىڭ «شەشە, سەن باقىتتىسىڭ», «ءسابي بولعىم كەلەدى», ولەڭدەرىن ناقىشىنا كەلتىرىپ مانەرلەپ وقىپ, «اققۋلار ۇيىقتاعاندا» پوەماسىنان كورىنىس كورسەتىلدى.
كەش سوڭىندا مۇقاعالي ماقاتاەۆتىڭ سوزىنە جازىلعان اندەر ورىندالىپ, اۋىلدىڭ جاس اقىندارىنا اقىننىڭ كىتاپتارى ەستەلىككە تارتىلدى.
وكرۋگ اكىمى ءومىرتاي وتەپ-ءالى مەن №24 ورتا مەكتەپ ديرەكتورى ا.ساديروۆ كەشتى ۇيىمداستىرۋشىلارعا جىلى لەبىزدەرىن ءبىلدىردى.
جولدىباي بازار.
دەرەك, سۋرەت: egemen.kz.