استانا. 13 اقپان. لوندونداعى Sotheby's اۋكتسيونىندا «ليونەل مەسسي جانە گۇلدەر كەڭىستىگى» دەپ اتالاتىن كارتينا بالعا ۇستىنەن 317 مىڭ فۋنت ستەرلينگكە ($483,2 مىڭ) ساتىلىپ كەتتى. بۇل تۋرالى اۋكتسيون ءۇيىنىڭ ءباسپاسوز پاراقشاسىنا ۇڭىلگەن ريا «نوۆوستي» حابارلادى.
كارتينانى جاپون سۋرەتشىسى تاكاشي مۋراكامي سالعان ەكەن. بۇعان قوسا, جاپون سۋرەتشىسىنىڭ ديزاينىمەن شىققان, مەسسيدىڭ قولتاڭباسى قويىلعان فۋتبول دوبى 45 مىڭ فۋنتقا ($68,6 مىڭ) ساتىلعان.
«بارسەلونا» ليدەرى بەينەلەگەن كەلەسى پورترەت – بريتانيالىق سۋرەتشى لەمەن حەرستتىڭ قىلقالامىنان تۋعان كارتينا 557 مىڭ فۋنتقا ($849 ملن.) باعالانعان. ەكەۋى دە باسىندا قويىلعان ستارتتىق باعالارىنان كوپ اسىپ كەتكەن.
اۋكتسيوندا فۋتبول تاقىرىبىنا ارنالعان بارلىعى 18 زات جاڭا يەلەرىن تاپقان. ولاردىڭ جالپى قۇنى 2,663 ملن. فۋنت ستەرلينگتى ($4,06 ملن.) قۇراعان.
بۇدان بۇرىن ساۋدادان الىنعان قاراجاتتىڭ بانگلادەش, يندونەزيا جانە نەپال ەلدەرىندەگى بالالار سپورتىن دامىتۋعا جۇمسالاتىنى ايتىلعان.
دامير قوجامقۇل.
دەرەك, سۋرەت: ريا «نوۆوستي».