پاۆلودار. 13 اقپان. پاۆلوداردا «جاس وتان» جاستار قاناتىنىڭ ۇيىمداستىرۋىمەن «OpenDance» بي بايقاۋى بولىپ ءوتتى. بۇل تۋرالى egemen.kz ءتىلشىسى حابارلادى.
«جاس وتان» جاستار قاناتى ورتالىعىنىڭ جاستارعا ارنالعان جوبالاردى قولداۋ ءبولىمىنىڭ ۇيلەستىرۋشىسى ايدانا ەرتايدىڭ ايتۋىنشا, جاستاردىڭ بوس ۋاقىتتارىن بيگە, ونەرگە, سپورتقا, كىتاپ وقۋعا ءبولۋ ءۇشىن ءتۇرلى وسىنداي جوبالار جوسپارلانۋدا. ماقساتى – جاستاردى سالاۋاتتى ءومىر سالتىنا, بي ونەرىنە, سپورتقا بەيىمدەۋ.
قازىلار القاسى بايقاۋعا قاتىسۋشىلاردى ورىنداۋشىلىق شەبەرلىگى, ءبيدىڭ كومپوزيتسيالىق قۇرىلىمى, ساحنالىق كورىنىسى, كوركەمدىك حورەوگرافيالىق وبرازدى اشۋ دەڭگەيى بويىنشا باعالادى. بي بايقاۋىنا «StreetWorkout» توبىنىڭ بيشىلەرى كەلىپ ونەر كورسەتتى. ادىلقازىلار القاسىنىڭ شەشىمىمەن «سولو» نوميناتسياسىندا «NorthEast» بي ستۋدياسىنىڭ مۇشەسى رۋستام جاناەۆ, «توپتىق» نوميناتسيادا «JamFamily» بي توبى جەڭىسكە جەتتى.
فاريدا بىقاي.
دەرەك, سۋرەت: egemen.kz.