استانا. 13 اقپان. سولتۇستىك قازاقستان وبلىسى تاحتابرود اۋىلدىق وكرۋگى اكىمىنىڭ ولىمىنە كۇدىكتى ادام ۇستالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن Tengrinews.kz ءتىلشىسى حابارلادى.
بولجام بويىنشا اكىم 6 اقپانعا قاراعان ءتۇنى كىسى قولىنان قازا تاپقان.
قۇقىق قورعاۋ ورگاندارى اۋىل اكىمى قايرات عالىمجانوۆتىڭ ءمايىتى تابىلۋىنا بايلانىستى «كىسى ءولتىرۋ» بابى بويىنشا قىلمىستىق ءىس قوزعادى.
جاسالعان جەدەل-زەرتتەۋ جۇمىستارىنىڭ ناتيجەسىندە كىسى ولتىرۋگە كۇدىكتى رەتىندە 1951 جىلى تۋعان ەر كىسى ۇستالىپ, ۋاقىتشا وقشاۋلاعىشقا قامالدى. قازىر قىلمىستىڭ ءمان-جايى انىقتالىپ جاتىر. وسىعان قاتىستى بىرنەشە ساراپتاما تاعايىندالدى.
تاحتابرود اۋىلى اكىمدىگىنىڭ وكىلدەرى قايرات عالىمجانوۆتىڭ جانازاسى كەشە, 12 اقپان كۇنى كوكشەتاۋدا شىعارىلعانىن جەتكىزدى. قازىر ونىڭ مىندەتىن اسەل قاسىموۆا ۋاقىتشا اتقارۋدا.
ايتا كەتەيىك, قايرات عالىمجانوۆ 2014 جىلدىڭ قاراشا ايىندا اكىم بولىپ تاعايىندالعان.
بۇعان دەيىن مۇنداي وقيعا ەكىباستۇز قالاسىندا ورىن العان ەدى. 2008 جىلدىڭ مامىر ايىندا قالاداعى «اسىل» بازارى ماڭىندا ءوزىنىڭ Toyota Land Cruiser اۆتوكولىگىنە وتىرعالى جاتقاندا, ەكىباستۇزدىڭ بۇرىنعى اكىمى رامازان جۇماتاەۆتى بەلگىسىز بىرەۋلەر اتىپ كەتتى. وقيعا ورنىنان جەتى گيلزا تابىلدى. تەرگەۋ بارىسىندا قالانىڭ ەكس-اكىمىنىڭ ولىمىنە كۇدىكتى رەتىندە ءتورت ادام - سەرىك مۇقانتاەۆ, ءاليحان يسين, ەرنار بيجۇمەنوۆ جانە وبلىسقا بەلگىلى كاسىپكەر باۋىرجان مۇقانتاەۆ ۇستالدى.
ەكىباستۇز قالاسى ەكس-اكىمىنىڭ ءولىمى ءۇشىن سەرىك مۇقانتاەۆ 15 جىلعا باس بوستاندىعىنان ايرىلدى. ول «بازارسكيە» ۇيىمداسقان قىلمىستىق توبىنىڭ جەتەكشىسى بولعان. پوليتسەيلەر بىرنەشە جىل بويى ونىڭ سوڭىنا ءتۇسىپ كەلگەن. ول 2013 جىلدىڭ ءساۋىر ايىندا الماتىدا ۇستالىپ, پاۆلودارعا جونەلتىلدى.
قۇرىش نۇرىمبەت.
دەرەك, فوتو: Tengrinews.kz.