كەشە الەۋمەتتىك جەلىلەردە شەرزاتتىڭ سوت پروتسەسىنە قاتىسى بولۋى مۇمكىن بەلگىسىز تۇلعالاردىڭ ەكىۇشتى سيپاتتاعى ديالوگىن قامتيتىن بەينەماتەريال تارادى. وسى وقيعاعا بايلانىستى سوت تاراپىنان جەكە قاۋلى شىعارىلاتىنى ءمالىم بولدى, دەپ حابارلايدى Egemen.kz.
سوت بەينەماتەريالدا ايتىلعان جايتتاردى ەسكەرە وتىرىپ, ونىڭ ءمان-جايىن جان-جاقتى زەرتتەۋ قاجەتتىگىن اتاپ ءوتتى. پروكۋرورعا بەينەماتەريالدىڭ شىنايىلىعىن انىقتاپ, ديالوگقا قاتىسۋشىلاردىڭ كىم ەكەنىن جانە ولاردىڭ اڭگىمەسىنىڭ مازمۇنىن سارالاپ, زاڭعا سايكەس شارالار قابىلداۋ تاپسىرىلعان.
سوت كونستيتۋتسيا تالاپتارىن ەسكە سالا وتىرىپ, ناقتى شەشىمدى تەك سوت ورگانى عانا قابىلدايتىنىن ەرەكشە اتاپ ءوتتى. وسىعان بايلانىستى جالعان مالىمەت تاراتۋ, نەگىزسىز بولجام جاساۋ نەمەسە قوعامدىق پىكىردى ارانداتۋ ارەكەتتەرىنە جول بەرىلمەيتىنى تۋرالى قاتاڭ ەسكەرتۋ جاسالدى.
رەسمي ورگاندار وقيعانى مۇقيات باقىلاۋدا ۇستاپ وتىر. قوعامنان تەك رەسمي اقپاراتقا سۇيەنىپ, تەكسەرىلمەگەن دەرەكتەرگە سەنبەۋ سۇرالادى.