مەملەكەت باسشىسى قاسىم-جومارت توقاەۆ مادەنيەت جانە ونەر قىزمەتكەرلەرىن ماراپاتتاۋ راسىمىندە ءداستۇرلى ءانشى, قازاقستاننىڭ حالىق ءارتىسى قايرات بايبوسىنوۆتى ماراپاتتادى, دەپ جازادى Egemen.kz.
«بۇگىن ۇلتتىق ونەردىڭ مايتالمانى قايرات بايبوسىنوۆقا «قازاقستاننىڭ ەڭبەك ەرى» اتاعى بەرىلەدى. حالقىمىزدىڭ جان-دۇنيەسىن ايشىقتاي كورسەتەتىن حالىق ونەرى ءاردايىم توردە بولۋى كەرەك. بۇل ماراپات – ايگىلى ءانشىنىڭ ولشەۋسىز ەڭبەگى مەن ۇلتتىق ونەرىمىزگە دەگەن ەرەكشە قۇرمەتتىڭ بەلگىسى», دەدى قاسىم-جومارت توقاەۆ.
قايرات بايبوسىنوۆ – ارقا ءداستۇرلى ءان مەكتەبىنىڭ جارقىن وكىلى. ول حالىق جانە حالىق كومپوزيتورلارىنىڭ شىعارمالارىن ەل كولەمىندە عانا ەمەس, الەمدىك ساحنالاردا ورىنعان تالانتتى ونەرپاز.