استانا. 12 اقپان. گونكونگتا جاڭادان تۋعان قىز بالانىڭ ىشىندە ەكى ۇل بالانىڭ ەمبريونى بار ەكەنى انىقتالدى. بۇل تۋرالى Live Science باسىلىمىنا سىلتەمە جاساعان Tengrinews.kz ءتىلشىسى حابارلادى. نارەستەنى قاراعان گينەكولوگتار باسىندا تۋعان ءسابيدىڭ ىشىندە ىسىك بار دەپ كۇدىكتەنگەن. سوندىقتان ول دارىگەردىڭ قاتاڭ باقىلاۋىنا الىنعان. ارتىنان جۇرگىزىلگەن ۋلترادىبىستىق تەكسەرۋ قورىتىندىسى شارانانىڭ قارنىندا بوگدە زاتتاردىڭ بارىنا كوز جەتكىزدىرەدى. ال تۋعانىنا ءۇش اپتا بولعان قىز بالاعا وپەراتسيا جاساۋ كەزىندە ونىڭ باۋىرى مەن بۇيرەگى اراسىنان ەكى تيتتەي شاقالاق تابىلعان. ءبىرىنىڭ سالماعى - 9,3 گرامم, ەكىنشىسى - 14,2 گرامم بولعان. بىلايشا ايتقاندا, ولار جۇكتىلىكتىڭ سەگىزىنشى جانە ونىنشى اپتاسىنا كەلگەن. نارەستەنىڭ كىندىگى قىزدىڭ ىشىندەگى پلاتسەنتا ءتارىزدى ماسساعا جالعانىپتى. ەمبريوننىڭ ىشىندە ەمبريوننىڭ بولۋى ورتاشا ەسەپپەن جارتى ميلليون جۇكتىلىك جاعدايىندا ءبىر رەت كەزدەسەدى ەكەن. عالىمدار اراسىندا ونىڭ پايدا بولۋ سەبەبى جونىندە ءار الۋان پىكىرلەر بار. دۇنيەجۇزىلىك دەنساۋلىق ساقتاۋ ۇيىمى نارەستەنىڭ قۇرساعىنداعى ۇرىق ىسىكتىڭ ءبىر ءتۇرى دەپ ەسەپتەسە, گونكونگ دارىگەرلەرى كىشكەنتاي پاتسيەنت جۇكتى ەمەس, اناسىنىڭ جۇكتىلىگى بارىسىندا ونىڭ اعزاسىنا بەلگىسىز سەبەپپەن قۇرساقتاس قوس سىڭارى ەنىپ كەتكەن دەگەنگە كەلىپ وتىر. قازىرگى زامانعى مەديتسينا تاريحىندا مۇنداي جاعداي بارلىعى 200 رەت تىركەلگەن. مۇرات ايتقوجا. دەرەك, سۋرەت: Tengrinews.kz.