استانا. 12 اقپان. جۋىق ارادا ەلىمىزدە نەسيەنى تەڭگەمەن بەرۋ باستالادى. بۇل تۋرالى ۇلتتىق بانك توراعاسى قايرات كەلىمبەتوۆتىڭ سوزىنە سىلتەمە جاساعان Tengrinews.kz حابارلادى.
ۇلتتىق بانك توراعاسى مۇنى ورتالىق كوممۋنيكاتسيالار قىزمەتىنىڭ بريفينگىندە ايتتى.
قايرات كەلىمبەتوۆ جۋرناليستەردىڭ: «نەگە ەكىنشى دارەجەلى بانكتەر نەسيەنى ۇلتتىق ۆاليۋتامەن ەمەس, دوللارمەن بەرىپ جاتىر؟» دەگەن سۇراعىنا جاۋاپ بەردى. «بانكتەر ءبىر ساتتىك دەۆالۆاتسيا بولادى دەپ ەسەپتەگەندىكتەن, سونداي تابيعي رەاكتسيا بولدى, ولار ءبىر جاعىنان ۆاليۋتا نەسيەسىن بەرۋ جولىمەن ءوز ۆاليۋتا قاۋىپتەرىن ساقتاندىردى, ەكىنشى جاعىنان ولاردا تەڭگەنىڭ بەرىكتىگىنە قاتىستى وقىس تاپشىلىق بايقالدى», - دەدى ول.
ۇلتتىق بانك باسشىسى جۋىق ارادا بۇل ماسەلە شەشىلەتىنىن ايتىپ, ەشقانداي ءبىر ساتتىك دەۆالۆاتسيا بولمايتىنىن تاعى قايتالادى. «ءبارى سابىرعا كەلىپ, الدىڭعى جىلدارى بولعان قالىپتى, ىسكەرلىك اينالىمعا كىرىسۋى كەرەك, ياعني تەڭگەدەن دوللارعا قايتادان جاپپاي ايىرباستاۋ باستالادى. مەن تاعى دا ەسكە سالعىم كەلەدى - تەڭگە دەپوزيتتەرى 10 پايىزعا دەيىن, دوللار تۇرىندەگى دەپوزيتتەر ءۇش پايىزدان اسپايتىن مولشەردە تابىس تابۋعا مۇمكىندىك بەرەدى. سايكەسىنشە, ولار ءۇشىن دە, جەكە زاڭدى تۇلعالار ءۇشىن دە, كۆازيمەملەكەتتىك ۇيىمدار ءۇشىن دە ۆاليۋتا قاۋپى جوق. قىسقامەرزىمدى تاپشىلىق كەزەڭىندە ءبىز ءتيىستى قاراجاتتى ەكىنشى دارەجەلى بانكتەرگە ۇسىناتىن بولامىز. ولار ەڭ تاياۋ ارادا نەسيەنى تەڭگەمەن بەرە باستايدى دەپ ويلايمىن», - دەدى قايرات كەلىمبەتوۆ. ونىڭ پىكىرىنشە, بۇل شارالار ەكونوميكاداعى احۋالدى تۇراقتاندىرادى.
ەسكە سالايىق, 11 اقپان كۇنى مەملەكەت باسشىسى ۇكىمەتتىڭ كەڭەيتىلگەن وتىرىسىن وتكىزگەن ەدى. ونىڭ بارىسىندا نۇرسۇلتان نازارباەۆ حالىقتى «تەڭگە باعامىنىڭ وزگەرۋ مۇمكىندىگى تۋرالى قاۋەسەتتەرگە سەنبەۋگە» شاقىردى.
ساكەن مايلىباي.
دەرەك, فوتو: Tengrinews.kz.