اقتوبە وبلىسىندا شالقار اۋداندىق سوتى اۋدان اكىمىنىڭ ورىنباسارى ب.زايرىمبەت پەن اۋداندىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى ا.بەركىمباەۆعا قاتىستى ۇكىم شىعاردى, دەپ جازادى Egemen.kz.
ولاردىڭ 2024 جىلعى 27 جەلتوقساندا كوممەرتسيالىق ۇيىم باسشىسىنان 2,3 ميلليون تەڭگە كولەمىندە پارا العانى انىقتالدى. پارا مەملەكەتتىك ساتىپ الۋ اياسىندا ورىندالعان جۇمىستاردىڭ اكتىلەرىنە كەدەرگىسىز قول قويۋ, تولەم جۇرگىزۋ جانە جالپى قامقورلىق كورسەتۋ ءۇشىن بەرىلگەن.
سوت اتالعان لاۋازىمدى تۇلعالاردى پارا العانى ءۇشىن كىنالى دەپ تانىپ, ارقايسىسىنا مەملەكەتتىك قىزمەتتە, سۋديا جانە جەرگىلىكتى ءوزىن-ءوزى باسقارۋ ورگاندارىندا لاۋازىم اتقارۋ قۇقىعىنان ءومىر بويىنا ايىرا وتىرىپ, 6 جىلعا باس بوستاندىعىنان ايىرۋ جازاسىن تاعايىندادى.
سوت ۇكىمى زاڭدى كۇشىنە ەنگەن جوق.