استانا. 12 اقپان. استانادا 16 - 28 اقپان ارالىعىندا ەلوردادا 15-19 جاستاعى تۇرعىندار ءۇشىن قىزىلشاعا قارسى قوسىمشا يممۋنيزاتسيالاۋ جۇمىستارى جۇرگىزىلەدى. بۇل تۋرالى astana.kz حابارلادى.
قوسىمشا يممۋنيزاتسيالاۋ كەزىندە 28 اقپانعا دەيىن 31 500 ادامعا ەكپە جاساۋ كوزدەلىپ وتىر. دەنساۋلىق ساقتاۋ قىزمەتكەرلەرى قالالىق ەمحانالار, مەكتەپتەر, جوعارى جانە ورتا ءبىلىم مەكەمەلەرى سەكىلدى 142 ورتالىقتا ەكپە جاسايدى.
ەلىمىزدە 2012 جىلدان بەرى قىزىلشامەن اۋرۋ دەڭگەيى ارتىپ كەلەدى, ال اۋرۋعا شالدىعۋدىڭ 400 استام جاعدايى تىركەلدى. 2014 جىلى استانا قالاسىندا 30 ناۋقاستا اتالعان دياگنوز راستالدى.
نەگىزىنەن قىزىلشامەن 15-29 جاستاعى اداممدار اۋىرادى, بۇل كورسەتكىش 46 پايىزدى قۇراسا, 1 جاسقا دەيىنگى بالالاردىڭ اۋرۋ دەڭگەيى – 18 پايىز. اتالمىش اۋرۋدان قورعانۋدىڭ جالعىز جولى – ەكپە جاساۋ.
قىزىلشا – وتكىر جۇقپالى ۆيرۋستىق اۋرۋ, دەنە قىزۋىنىڭ كوتەرىلۋى, بورتپەلەردىڭ شىعۋى, جوتەلۋ, باس اۋرۋى سەكىلدى بەلگىلەرى بار. اۋرۋ قارىم-قاتىناس جاساعان كەز-كەلگەن ادامعا جۇعادى. قىزىلشامەن اۋىرعان ادام اينالاداعىلارعا بورتپەلەر شىققانعا دەيىن 4 كۇن بۇرىن, بورتپە شىققاننان كەيىن 4 كۇن بويى قاۋىپتى بولادى.
اۋرۋ 7-18 كۇننىڭ ىشىندە بەلەڭ الادى.
جولدىباي بازار.
دەرەك, سۋرەت: astana.kz.