بۇگىن جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا شەرزات پولاتتىڭ ولىمىنە ايىپتاۋ جونىندەگى ءىس بويىنشا كەزەكتى اشىق سوت وتىرىسى ءوتىپ جاتىر. سوت وتىرىسىندا كۋاگەر ەلميرا نۇربەكوۆادان جاۋاپ الىندى. ەكىنشى بولىمىندە كۋاگەر دانا جاقسىگەلدى جاۋاپ بەردى, دەپ جازادى Egemen.kz.
كۋاگەر دانا جاقسىگەلدى قايعىلى وقيعاعا دەيىنگى جانە وقيعا كەزىندەگى ءىس-ارەكەتتى ءوز نۇسقاسىندا بايانداپ بەردى.
سوت بارىسىندا مەملەكەتتىك ايىپتاۋشى پوليتسيا مەن جەدەل جاردەم قىزمەتىنە نەلىكتەن حابارلاسپاعانىن سۇرادى.
«ويىمدا بولعان جوق. مىلتىقتىڭ داۋىسىن ومىرىمدە ءبىرىنشى رەت ەستىدىم. ودان كەيىن ماشينادا وتىردىم. قورىقتىم. ءوز ءومىرىم ءۇشىن قورىقتىم», دەدى كۋاگەر دانا جاقسىگەلدى.
ايتا كەتەيىك, شەرزات پولاتتىڭ ولىمىنە ايىپتاۋ جونىندەگى ءىس جوعارعى سوتتىڭ يۋتۋب ارناسىندا تىكەلەي ەفيردە كورسەتىلىپ جاتىر.