قازىرگى ۋاقىتتا ءاربىر ۇيگە, ءاربىر وتباسىنا قازاقستاندىق كەلىسىم مادەنيەتى مەن بەيبىتشىلىكتىڭ نەگىزگى قاعيداتتارىن جەتكىزۋ وتە ماڭىزدى. بۇل شارا بەلسەندى ارەكەتتى قاجەت ەتەدى. وسى ورايدا م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە قازاقستان حالقى اسسامبلەياسى جامبىل وبلىسىنداعى انالار كەڭەسىنىڭ كەڭەيتىلگەن وتىرىسى ءوتتى.
ەلباسى, قازاقستان حالقى اسسامبلەياسىنىڭ توراعاسى ن.نازارباەۆ: «ءبىر حالىق – بۇل بارلىعىمىز ءۇشىن ورتاق وتان. ءبىر تاعدىر – بۇل ءبىز بىرگە ءجۇرىپ وتكەن قيىندىقتار مەن جەڭىستەر!», دەپ قوعامعا تەرەڭ وي سالعانى بەلگىلى. انالار كەڭەسىنىڭ قۇرىلعانىنا كوپ ۋاقىت بولماسا دا قارقىندى جۇمىس ىستەۋدە. جۋىردا ونىڭ بەلسەندى مۇشەلەرى, ەتنو-مادەني بىرلەستىكتەردىڭ وكىلدەرى رەسپۋبليكالىق انالار كەڭەسىنىڭ ءبىرىنشى فورۋمىنا قاتىسىپ, تاتۋلىق پەن ىنتىماق, بەيبىتشىلىك, رۋحانيات جانە كەلىسىم مادەنيەتى بارلىق حالىقتى ىزگى جولدارعا بىرىكتىرەتىنىنە كوز جەتكىزىپ قايتىپتى. فورۋمنان العان اسەرلەرى دە ەرەكشە.
انالار كەڭەسى قايىرىمدىلىق ماقساتىمەن كوپ بالالى, جالعىزىلىكتى انالارعا, جەتىم بالالارعا, مۇگەدەكتەرگە, باسقا دا پاناسىز ادامدارعا مورالدىق جانە ماتەريالدىق كومەك كورسەتەدى. تۇراقتىلىقتى نىعايتىپ, وتباسى قۇندىلىقتارىن ساقتاۋعا باعىتتالعان وسىنداي ءىس-شارالاردى الداعى ۋاقىتتا دا وتكىزۋ جوسپارلانىپ وتىر.
ورالحان ءداۋىت,
«ەگەمەن قازاقستان».
جامبىل وبلىسى.