قايعىلى وقيعا 20 ءساۋىر كۇنى قىزىلوردا – استانا باعىتىندا قاتىناعان جولاۋشىلار پويىزىندا بولعان, دەپ حابارلايدى Egemen.kz.
پويىز قاراعاندى ستانتسياسىنان وتكەننەن كەيىن, جولاۋشىلار مەن جولسەرىكتەر سانيتارلىق توراپتان قان ىزدەرىن بايقاپ, الاڭداۋشىلىق بىلدىرگەن. جولسەرىك جاعدايدى دەرەۋ تەكسەرىپ, قان ىزدەرىن تازالاپ جۇرگەن ساتىندە كۇماندى جاعدايدى انىقتاعان.
انىقتالعانداي, ايەل پويىزدا ءوز بەتىنشە بوسانىپ, كەيىن جاڭا تۋعان ءسابيىن تەرەزەدەن لاقتىرىپ جىبەرگەن. قاراعاندى وبلىسى اۋماعىندا شۇعىل ىزدەۋ جۇمىستارى ناتيجەسىندە نارەستەنىڭ ءمايىتى تابىلعان.
كولىكتەگى پوليتسيا دەپارتامەنتى بۇل جايتقا بايلانىستى تەرگەۋ امالدارى باستالعانىن حابارلادى.
«اتالعان فاكتى بويىنشا قر قىلمىستىق كودەكسىنە سايكەس تەرگەۋ ءجۇرىپ جاتىر. بارلىق قاجەتتى ساراپتامالار تاعايىندالدى. قىلمىستىق ءىس اياسىندا پروتسەسسۋالدىق شەشىمدەر قابىلداناتىن بولادى», دەلىنگەن حابارلامادا.