ناريمان قۇربانوۆ الەم كۋبوگىنىڭ كەزەڭىندە قولا جۇلدەگەر اتاندى

ول ات سناريادىنداعى جاتتىعۋدىڭ فينالىندا ءساتتى ونەر كورسەتتى. پاريج-2024 وليمپياداسىنىڭ كۇمىس جۇلدەگەرى 14.566 ۇپاي جيناپ, الەم كۋبوگىنىڭ قولا جۇلدەگەرى اتاندى.

بۇل سىندا جەڭىستى ارمەنيالىق گاملەت مانۋكيان جەڭىپ الدى — 14.700 ۇپاي. ال قىتاي وكىلى يانمين حۋن 14.666 ۇپايمەن ەكىنشى ورىنعا تابان تىرەدى.

زەينوللا ىدىرىسوۆ 14.200 ۇپاي جيناپ, ءتورتىنشى ورىنعا تۇراقتادى.

ايتا كەتەيىك, قازىرگى تاڭدا قازاقستان قۇراماسىنىڭ ەنشىسىندە ءۇش مەدال بار. ەركىن جاتتىعۋلاردا ميلاد كاريمي ءبىرىنشى ورىن يەلەنسە, التىنحان تەمىربەك كۇمىس جۇلدەنى جەڭىپ الدى.