2025 جىلعى 17 ساۋىردە قر مەملەكەتتىك كۇزەت قىزمەتىنىڭ باستاماسىمەن «مايلان» دالالىق وقۋ ورتالىعىندا ەلىمىزدە العاش رەت FPV-درون وپەراتورلارى اراسىندا Millitary Drone Race اتتى تۋرنير ءوتتى, دەپ حابارلايدى Egemen.kz.
اتالمىش سايىسقا ەلىمىزدىڭ نەگىزگى كۇشتىك قۇرىلىمدارى – قر مەملەكەتتىك كۇزەت قىزمەتى, قر ۇلتتىق قاۋىپسىزدىك كوميتەتى, قر ىشكى ىستەر مينيسترلىگى, قر قورعانىس مينيسترلىگى, قر توتەنشە جاعدايلار مينيسترلىگى, ت.ب. قۇرىلىمداردىڭ كوماندالارى قاتىسقان.
ايتا كەتەيىك, ءتۋرنيردىڭ رەسمي سەرىكتەسى – ءبىلىم جانە عىلىم سالاسىندا جۇمىس ىستەيتىن «Ashyk Aspan Foundation» قورى.
جارىس ناتيجەسى بويىنشا:
1-ورىندى – قر مەملەكەتتىك كۇزەت قىزمەتىنىڭ كومانداسى; 2-ورىندى – قر ۇقك «ا» ارنايى جاساعى; 3-ورىندى – راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ كومانداسى يەلەندى.ءتۋرنيردىڭ باستى ماقساتى – FPV-درونداردى باسقارۋ سالاسىنداعى مامانداردىڭ كاسىبي شەبەرلىگىن ارتتىرۋ, تاجىريبە الماسۋ جانە زاماناۋي ۇشۋ قۇرىلعىلارىن تاكتيكالىق قولدانۋ مۇمكىندىكتەرىن دامىتۋ بولدى.
ۇيىمداستىرۋشىلاردىڭ ايتۋىنشا, مۇنداي جارىستار سالاداعى يننوۆاتسيالىق شەشىمدەر مەن اسكەري دايىندىقتى جاڭا دەڭگەيگە كوتەرۋگە ىقپال ەتەدى.