بيىل ءبىلىم بايگەسى پريشتينا قالاسىندا (كوسوۆو) وعان 52 ەلدەن 219 وقۋشى قاتىسسا, قازاقستان اتىنان 4 وقۋشى جانە 2 جەتەكشى قاتىسىپ, سول وقۋشىلاردىڭ 4-ەۋىدە جۇلدەگەر بولدى: يۋليا كاتۋنينا (كۇمىس جۇلدەگەر) – پاۆلودار قالاسىنداعى №8 دارىندى بالالارعا ارنالعان ليتسەيىنىڭ 10 سىنىپ وقۋشىسى; اراي كاسەنوۆا (قولا جۇلدەگەر) – الماتىداعى «Haileybury Almaty» حالىقارالىق مەكتەبىنىڭ 11 سىنىپ وقۋشىسى; انار ديداربەكوۆا (قولا جۇلدەگەر) الماتى قالاسىنىڭ №39 س.ا.حودجيكوۆ اتىنداعى مامانداندىرىلعان ليتسەيىنىڭ 11 سىنىپ وقۋشىسى; ارۋجان قايرات (قولا جۇلدەگەر) – الماتى قالاسىنىڭ №39 س.ا.حودجيكوۆ اتىنداعى مامانداندىرىلعان ليتسەيىنىڭ 10 سىنىپ وقۋشىسى. وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە قىزدارعا ارنالعان ەۋروپالىق ماتەماتيكالىق وليمپيادا العاش رەت 2012 جىلى ۇلىبريتانيانىڭ كەمبريدج قالاسىندا ءوتىپتى. قازاقستان قۇراماسى وعان 2017 جىلدان بەرى تۇراقتى قاتىسىپ كەلەدى. وسى ۋاقىت ارالىعىندا ەلىمىزدىڭ دارىندى قىزدارى 3 التىن, 12 كۇمىس, 15 قولا مەدال جانە 4 قۇرمەت گراموتاسىن يەلەنگەن.