ۇلىتاۋ وبلىسىندا جەڭىستىڭ 80 جىلدىعىنا وراي وتانسۇيگىشتىك, مادەني, الەۋمەتتىك جانە اقپاراتتىق باعىتتى قامتيتىن 200-دەن اسا ءىس-شارا ۇيىمداستىرىلىپ, ءوتىپ جاتىر, دەپ جازادى Egemen.kz.
ۇلىتاۋ وبلىسى بويىنشا 394 تىل ەڭبەككەرى بار. مەرەكەدە ارداگەرلەر مەن تىل ەڭبەككەرلەرىنە – 100 000 تەڭگە (394 ادام), سوعىستا قازا تاپقان جاۋىنگەرلەردىڭ جەسىرلەرىنە – 50 000 تەڭگە (22 ادام) بىرجولعى الەۋمەتتىك كومەك بەرىلەدى.
جەڭىستىڭ 80 جىلدىعىنا وراي وبلىستا 800 سارباز اسكەرگە اتتانادى.
جەڭىس مەرەيتويىنا ارنالعان 80 قايىرىمدىلىقىس-شارا ءجۇرىپ جاتىر.
العاش رەت «جاس سارباز» وبلىستىق, اسكەري-پاتريوتتىق جارىسى ۇيىمداستىرىلىپ, وعان وبلىستاعى مەكتەپتەر مەن كوللەدجدەردەگى ءبىلىم الۋشىلار بەلسەنە قاتىسۋدا.
مەرەيتوي اياسىندا «ارداعىم – ارداگەرىم», «مەنىڭ اتام – جاۋىنگەر» سىندى چەللەندجدەر ۇيىمداستىرىلىپ, 1000-نان استام جاستار يگى ءىستى قولداپ اكەتتى.
وبلىستىڭ بارلىق مادەنيەت مەكەمەلەرىندە «ماڭگىلىك ۇلىقتالار ۇلى جەڭىس!» اتتى فوتوقۇجات كورمەسى, «عيبراتتى عۇمىر» ەسكە الۋ كەشى, «ەرلىككە ورىلگەن ءومىر» تاعزىم كەشتەرى, «ەر ەسىمى – ەل ەسىندە» مۋزەيلىك اكتسياسى جانە وقۋشىلار اراسىندا دراما فەستيۆالى ءوتتى. جەزدى مۋزەيىندە « ۇلى جەڭىسكە – 80 جىل» تاقىرىبىندا كورمەلەر, «مەنىڭ اتام – مايدانگەر» اتتى ونلاين بەينەجوبالار, ء«بىزدىڭ باتىر جەرلەستەر» كورمەسى جانە وبلىستىق امبەباپ كىتاپحانادا تاعزىم كەشتەرى ۇيىمداستىرىلدى.
وبلىس ورتالىعىندا مامىر ايىنىڭ 6–9 كۇندەرى باستى مەرەكەلىك شارالار وتەدى. 9 مامىردا «ماڭگىلىك الاۋ» جانىندا جىلجىمالى كورمە, «جەڭىس جالاۋىن جەلبىرەتىپ…» تەاترلاندىرىلعان قويىلىم, «جۋراۆلي» انىنە حورەوگرافيالىق كومپوزيتسيا, گۇل شوقتارىن قويۋ ءراسىمى, دالالىق اسحانا, مەرەكەلىك كونتسەرت جانە وتشاشۋ ۇيىمداستىرىلادى. بارلىق ارداگەرلەرگە « ۇلى جەڭىستىڭ 80 جىلدىعى» مەرەيتويلىق مەدالدارى تابىستالادى.
7 مامىردا وتەتىن رەسپۋبليكالىق پارادقا ۇلىتاۋ وبلىسىنان تىل ەڭبەككەرلەرى, اۋعان سوعىسى جانە چەرنوبىل اپاتىنا قاتىسۋشىلاردان قۇرالعان دەلەگاتسيا اتتانادى.