2014 جىلعى 28 قاراشا, استانا قالاسى
«قازاقستان رەسپۋبليكاسىنىڭ شەتەلدەردەگى مەكەمەلەرىنىڭ قازاقستان رەسپۋبليكاسىنىڭ ازاماتتىعى ماسەلەلەرىنە قاتىستى قۇجاتتاردى رەسiمدەۋi جونiندەگi نۇسقاۋلىعىن بەكiتۋ تۋرالى» قازاقستان رەسپۋبليكاسى مەملەكەتتىك حاتشىسى - سىرتقى ىستەر ءمينيسترىنىڭ 2011 جىلعى 19 قاڭتارداعى № 08-1-1-1/13 بۇيرىعىنا وزگەرىستەر ەنگىزۋ تۋرالى
بۇيىرامىن:
1. «قازاقستان رەسپۋبليكاسىنىڭ شەتەلدەردەگى مەكەمەلەرىنىڭ قازاقستان رەسپۋبليكاسىنىڭ ازاماتتىعى ماسەلەلەرىنە قاتىستى قۇجاتتاردى رەسىمدەۋى جونىندەگى نۇسقاۋلىعىن بەكىتۋ تۋرالى» قازاقستان رەسپۋبليكاسى مەملەكەتتىك حاتشىسى – سىرتقى ىستەر ءمينيسترىنىڭ 2011 جىلعى 19 قاڭتارداعى № 08-1-1-1/13 بۇيرىعىنا (نورماتيۆتىك قۇقىقتىق اكتىلەردىڭ مەملەكەتتىك تىزىمىندە № 6783 بولىپ تىركەلگەن, 2011 جىلى 28 قىركۇيەكتە قازاقستان رەسپۋبليكاسى ورتالىق اتقارۋشى جانە باسقا دا مەملەكەتتىك ورگاندارى اكتىلەرىنىڭ جيناعىندا جاريالانعان) كەلەسى وزگەرىستەر ەنگىزىلسىن:
اتالعان بۇيرىقپەن بەكىتىلگەن قازاقستان رەسپۋبليكاسىنىڭ شەتەلدەردەگى مەكەمەلەرىنىڭ قازاقستان رەسپۋبليكاسىنىڭ ازاماتتىعى ماسەلەلەرىنە قاتىستى قۇجاتتاردى رەسىمدەۋى جونىندەگى نۇسقاۋلىعىندا:
3 جانە 4-تارماقتار مىناداي رەداكتسيادا جازىلسىن:
«3. قازاقستان رەسپۋبليكاسىنىڭ شەتەلدەردەگى مەكەمەلەرى (بۇدان ءارى – شەتەلدەردەگى مەكەمەلەر):
قازاقستان رەسپۋبليكاسىنان تىس جەرلەردە تۇراقتى تۇراتىن ادامداردان قازاقستان رەسپۋبليكاسىنىڭ ازاماتتىعى ماسەلەلەرى بويىنشا وتىنىشتەر قابىلدايدى;
شەتەلدەردەگى مەكەمەلەر رەسىمدەلگەن ماتەريالداردى ءوزىنىڭ قورىتىندىلارىمەن بىرگە سىرتقى ىستەر مينيسترلىگىنە جولدايدى, سىرتقى ىستەر مينيسترلىگى ۇلتتىق قاۋىپسىزدىك كوميتەتىمەن كەلىسكەننەن جانە ءوز قورىتىندىسىن جاساعاننان كەيىن قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەر جونىندەگى كوميسسياسىنىڭ (بۇدان ءارi – كوميسسيا) جۇمىس ورگانىنا ۇسىنادى;
قازاقستان رەسپۋبليكاسىنان تىس جەرلەردە تۇراقتى تۇراتىن ادامداردىڭ قازاقستان رەسپۋبليكاسىنىڭ ازاماتتىعىن جوعالتقاندىعىن تىركەيدى;
قازاقستان رەسپۋبليكاسىنان تىس جەرلەردە تۇراقتى تۇراتىن قازاقستان رەسپۋبليكاسى ازاماتتارىنىڭ ەسەبىن جۇرگىزەدى;
قازاقستان رەسپۋبليكاسى اۋماعىنان تىس جەردە تۇراقتى تۇراتىن ادامداردىڭ قازاقستان رەسپۋبليكاسىنىڭ ازاماتتىعىنا تيەسىلىگىن ايقىندايدى.
4. ازاماتتىقتى وزگەرتۋ ماسەلەلەرىنە بايلانىستى وتىنىشتەر مىندەتتى تۇردە تىركەلۋى جانە قارالۋى ءتيىس.
قولداۋحاتتى بەرۋشى ادامدار قۇجاتتاردى ۇسىنۋ ءتارتىبىن ساقتاماعان جاعدايدا, قازاقستان رەسپۋبليكاسى سىرتقى ىستەر مينيسترلىگى جانە شەتەلدەردەگى مەكەمەلەر ءوتىنىش بەرۋشىگە حابارلاي وتىرىپ, كەمشىلىكتەردى جويعانعا دەيىن ماتەريالداردى رەسىمدەۋدى توقتاتا تۇرادى.»;
21-تارماق مىناداي رەداكتسيادا جازىلسىن:
«21. شەتەلدەردەگى مەكەمەلەر:
حالىقارالىق شارتتاردا كوزدەلگەن جاعدايلاردى قوسپاعاندا, ەگەر قازاقستان ازاماتىنا قاتىستى ونىڭ باسقا مەملەكەتتىڭ اسكەري قىزمەتىنە, قاۋىپسىزدىك قىزمەتىنە, پوليتسياسىنا, ادىلەت ورگاندارىنا, وزگە دە مەملەكەتتىك ورگاندارىنا قىزمەتكە كىرگەنىن راستايتىن قۇجاتتار نە باسقا انىق مالىمەتتەر بولسا;
ەگەر ازاماتتىقتى كورىنەۋ جالعان مالىمەتتەر نەمەسە جالعان قۇجاتتار تابىس ەتۋ ناتيجەسىندە الىنعانى انىقتالعان بولسا;
ەگەر ادام باسقا مەملەكەتتىڭ ازاماتتىعىن العان بولسا;
ەگەر ادامنىڭ قازاقستان رەسپۋبليكاسىنىڭ ازاماتتىعىن الۋى ءۇشىن نەگىز بولعان قازاقستان رەسپۋبليكاسىنىڭ ازاماتىمەن نەكەنى سوت جارامسىز دەپ تانىسا, قازاقستان رەسپۋبليكاسىنىڭ ازاماتتىعىنان ايىرۋدى تىركەيدى.».
2. كونسۋلدىق قىزمەت دەپارتامەنتى وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى جانە ونىڭ رەسمي جاريالانۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ە.ىدىرىسوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 31 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10053 بولىپ ەنگىزىلدى.