13 ءساۋىر كۇنى ساعات 09:23-تە (استانا ۋاقىتىمەن) توتەنشە جاعدايلار مينيسترلىگىنىڭ «سەيسمولوگيا ۇلتتىق عىلىمي-زەرتتەۋ ورتالىعى» سەيسميكالىق ستانتسيالار جەلىسى تاجىكستان اۋماعىندا جەر سىلكىنىسىن تىركەدى, دەپ حابارلايدى Egemen.kz.
جەراستى ءدۇمپۋىنىڭ ەپيتسەنترى الماتى قالاسىنان وڭتۇستىك-باتىسقا قاراي 673 شاقىرىم قاشىقتىقتا ورنالاسقان.
جەر سىلكىنىسىنىڭ اسەرى قازاقستاننىڭ وڭتۇستىك وڭىرلەرىندە – تۇركىستان, جامبىل جانە شىمكەنت قالالارىندا بايقالدى. قاتتىلىعى 2-3 بالل شاماسىندا بولعان. مىرزاكەنت, جەتىساي, سارىاعاش, شاردارا, شىمكەنت, تاراز, ارىس, اباي, لەنگەر, سايرام, مانكەنت سەكىلدى ەلدى مەكەندەردە 3 باللعا دەيىنگى ءدۇمپۋ سەزىلگەن. تۇركىستان, كەنتاۋ, شۋ, مويىنقۇم, جاڭاقورعان جانە باسقا بىرنەشە ەلدى مەكەندەردە 2 باللدىق تەربەلىس بايقالدى.
توتەنشە جاعدايلار مينيسترلىگىنىڭ مالىمەتىنشە, زارداپ شەككەندەر مەن قيراعان نىساندار تۋرالى اقپارات تۇسكەن جوق.