پەتروپاۆلداعى «ابىلاي حان رەزيدەنتسياسى» مۋزەي-كەشەنىنىڭ ۇيىمداستىرۋىمەن رايىمبەك باتىردىڭ 320 جىلدىعىنا ارنالعان «قازاق ەلدىگىن ساقتاپ قالۋداعى باتىرلاردىڭ ءرولى» اتتى رەسپۋبليكالىق عىلىمي-تەوريالىق كونفەرەنتسيا بولىپ ءوتتى.
ونىڭ جۇمىسىنا جەرگىلىكتى تاريحشى-ولكەتانۋشىلار: م.قوزىباەۆ اتىنداعى سقۋ پروفەسسورى زارقىن تايشىباي, اسكەري عىلىمدار اكادەمياسىنىڭ اكادەميگى جانباتىر سارتاەۆ, قازاقستان رەسپۋبليكاسىنا ەڭبەك سىڭىرگەن قايراتكەر, شال اقىننىڭ ۇرپاعى مۇرات جانتىلەۋوۆ, زۋممەن الماتىدان ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ پروفەسسورى گۇلنار مۇقانوۆا, استانادان تاريح عىلىمدارىنىڭ كانديداتى, اگروتەحنيكالىق ۋنيۆەرسيتەتتىڭ پروفەسسورى سابىر ىبىراەۆ, سقۋ پروفەسسورلارى ساتتار قازيەۆ, اناتولي پلەششاكوۆ, زليحا بيماقانوۆا جانە ت.ب. قاتىسىپ, باياندامالار جاسادى.
قازاق دالاسىنىڭ تۇتاستىعى مەن ەل بىرلىگىن ساقتاۋداعى باتىرلاردىڭ ءرولى كەڭىنەن ايتىلدى. «باتىرلىق بىلەكتە ەمەس جۇرەكتە» دەگەن, ەلى ءۇشىن ەرەكشە ەڭبەك جاساعان جانداردىڭ بارىندە قازاق حالقى باتىر دەپ قۇرمەتتەگەن. وندايلار قىزداردىڭ اراسىنان دا كوپ شىققان», دەدى پروفەسسور زارقىن تايشىباي.
پەتروپاۆل