جامبىل وبلىسىندا سپورت كەشەنى اشىلدى

تاراز. 5 مامىر. جامبىل وبلىسى مويىنقۇم اۋدانىنىڭ ورتالىعىندا سپورت كەشەنى اشىلدى. بۇل تۋرالى egemen.kz ءتىلشىسى حابارلادى. جالپى قۇنى 262,0 ملن. تەڭگەنى قۇرايتىن بۇل كەشەننىڭ قۇرىلىسى 2014 جىلدىڭ ءساۋىر ايىندا باستالعان. عيماراتتا ۇلكەن سپورت زالى, كۇرەس زالى, سونداي-اق سپورتشىلارعا ارنالعان كيىم اۋىستىرۋ, جۋىنۋ بولمەلەرى بار. ەكىنشى قاباتتا سپورت مەكتەبىنىڭ اكىمشىلىك كورپۋسى ورنالاسقان. كەشەننىڭ ۇلكەن سپورت زالى 200 كورەرمەنگە ارنالعان. سونىمەن قاتار, سپورت كەشەنىنىڭ اۋماعىندا جاساندى توسەنىشى بار 2 سپورت الاڭشاسى, شاعىن فۋتبول الاڭشاسى جانە ۆولەيبول, باسكەتبول ويىندارى ءۇشىن ارنالعان الاڭشالار قاراستىرىلعان. سپورت كەشەنىندە قازاق كۇرەسى, ەركىن كۇرەس, ۆولەيبول, باسكەتبول, فۋتبول جانە بوكس سياقتى سەكتسيالار بار. قازىردىڭ وزىندە بۇل سەكتسيالاردا 100-گە جۋىق سپورتشى شىنىعۋدا. جاڭا سپورت كەشەنىندە وبلىستىق, رەسپۋبليكالىق جانە حالىقارالىق سپورتتىق ءىس-شارالار وتكىزۋگە مۇمكىندىك بار. ورالحان ءداۋىت. دەرەك, سۋرەت: egemen.kz.