پەتروپاۆل. 11 اقپان. ەسىرتكى بيزنەسىنە قارسى كۇرەس ءبولىمىنىڭ قىزمەتكەرلەرى ەسىرتكى زاتتارىن زاڭسىز ساۋدا اينالىمىنا شىعارعان ەكى ازاماتتى قولعا ءتۇسىردى. بۇل تۋرالى egemen.kz. ءتىلشىسى حابارلادى.
ولاردىڭ ءبىرى – پەتروپاۆل قالاسىنىڭ 57 جاستاعى تۇرعىنى. ول گەرويندى تۇتىنۋشىلارعا ۇسىنىپ جاتقان جەرىنەن ۇستالدى. سويتسە, ول كوشەلەردى قاردان تازارتۋ جۇمىستارىمەن اينالىسا ءجۇرىپ, وڭاي ولجاعا كەنەلۋدى دە ۇمىتپاعان. بىراق ونىڭ بۇل ويى ناتيجەسىز اياقتالدى.
30 جاستاعى ەكىنشى كۇدىكتى ۇيىندە اشكەرەلەندى. ونىڭ پاتەرىن ءتىنتۋ بارىسىندا ارنايى پاكەتتەرگە سالىنعان 9 گرامم گەروين تابىلدى. ءسوز اراسىندا ونىڭ اپاسى ەسىرتكى زاتتارىن زاڭسىز اينالىمعا شىعارعانى ءۇشىن 12 جىل اباقتىعا قامالعانىن ايتا كەتكەن ءجون.
ءىرى كولەمدە ەسىرتكى ساۋدالاۋشىلار تۇتقىندالىپ, قىلمىستىق كودەكستىڭ 297-ءشى بابى بويىنشا ايىپ تاعىلدى. قىلمىستارى دالەلدەنسە, 10 جىلدان 15 جىلعا دەيىن باس بوستاندىقتارىنان ايرىلىپ, م ۇلىكتەرى تاركىلەنۋى مۇمكىن.
ەسىرتكى بيزنەسىنە قارسى كۇرەس ءبولىمىنىڭ ۋاكىلى ديانا سماعۇلوۆانىڭ ايتۋىنشا, جىل باسىنان بەرى ەسىرتكى بيزنەسىمەن اينالىسقان 7 ادام ۇستالىپ, ءبىر كيلوعا جۋىق ەسىرتكى زاتتارى الىنعان.
ءومىر ەسقالي.
دەرەك: egemen.kz.
سۋرەت: narkonet.kz.