قاراعاندى وبلىسىندا ىشىمدىكتەن باس تارتقان اۋىلداردىڭ سانى 63-كە جەتتى. اۋىلدا الكوگول ونىمدەرى مۇلدەم ساتىلمايدى, دەپ جازادى Egemen.kz.
2025 جىلدىڭ سوڭىنا دەيىن بۇل تىزىمگە تاعى 12 اۋىل قوسىلماق. بۇل وڭ وزگەرىستەر – وبلىستا جۇزەگە اسىپ جاتقان "ىشىمدىكسىز اۋىل" جوباسىنىڭ ناقتى ناتيجەسى. جوبا اياسىندا اۋىل اقساقالدارى مەن پوليتسيا قىزمەتكەرلەرى كۇش بىرىكتىرىپ, ىشىمدىكتىڭ تارالۋىنا جانە سوعان بايلانىستى قىلمىستارعا قارسى كۇرەس جۇرگىزىپ جاتىر.
ماسەلەن, قاراقۇدىق اۋىلىندا سوڭعى 4 جىلدان بەرى الكوگول ونىمدەرى ساتىلمايدى. بۇل – الدەكىمنىڭ قويعان تالابى ەمەس, تۇرعىنداردىڭ ءوز قالاۋى. قازىر وندا 640 ادام تۇرادى. ال اۋىل جاستارى سپورتقا بەيىم. يگى جوباعا جەرگىلىكتى كاسىپ يەلەرى دە قولداۋ تانىتقان. قازىر اۋىلداعى 5 دۇكەننىڭ ەشبىرىندە اششى سۋسىن ساتىلمايدى.
جالپى قازىر وڭىردە وسىنداي يگى باستامانى قولعا العان اۋىلدار سانى 60-تان استى.