بيىل جازدا قىتايدىڭ چەندۋ قالاسىندا وتەتىن XII دۇنيەجۇزىلىك ويىندار (The World Games) باسەكەسى وتەدى. تۋريزم جانە سپورت مينيسترلىگى حالىقارالىق سىندا ەل نامىسىن قورعايتىن كاراتەشىلەردىڭ ءتىزىمىن جاريالادى, دەپ جازادى Egemen.kz.
XII دۇنيەجۇزىلىك ويىنداردا باق سىنايتىن سپورتشىلار:
ءمولدىر جاڭبىرباي (-50 كگ) اسەل قاناي (-61 كگ) سوفيا بەرۋلتسەۆا (+68 كگ) قايسار الپىسباي (-60 كگ) ديدار ءامىرالى (-67 كگ) نۇرقانات اجىقانوۆ (-75 كگ)
بۇل كەشەندى جارىسقا قۇراما ۇزدىكتەرى جولداما العان. چەندۋدا باس-اياعى 96 كاراتەشى جۇلدەگە تالاسادى. ولار الەم چەمپيوناتى جانە رەيتينگ ناتيجەسىندە ىرىكتەلگەن. كاراتەدەن جارىس 8-9 تامىزعا جوسپارلانعان.
ايتا كەتەيىك, وسىعان دەيىنگى دۇنيەجۇزىلىك ويىن 2022 جىلى اقش-تىڭ بيرمينگەم قالاسىندا ءوتىپ, قازاقستان 4 مەدال (1 التىن, 2 كۇمىس, 1 قولا) جەڭىپ العان. ناتيجەسىندە دەلەگاتسيا پورتۋگاليامەن بىردەي كورسەتكىش كورسەتىپ, جالپى ەسەپتە 37-ساتىعا تۇراقتادى. التىندى قازاقستان قورجىنىنا توكيو وليمپياداسىنىڭ قولا جۇلدەگەرى سوفيا بەرۋلتسەۆا (+68 كگ) سالعان ەدى.