اۋىلداعى جالعىز مايدانگەر

وعان اۋدان ورتالىعىنان پاتەر تارتۋ ەتىلىپ, زور قۇرمەت كورسەتىلدى ەل باسىنا اۋىر كۇن تۋعاندا ءبىزدىڭ اۋىلدان 127 ازامات وتان قورعاۋعا اتتانعان ەكەن. جان الىسىپ, جان بەرىسكەن قان مايداننان ولاردىڭ 79-ى عانا تۋعان-تۋىسقاندارىمەن امان-ەسەن قاۋىشقان. جىل وتكەن سايىن بۇل اتالارىمىزدىڭ قاتارى سەلدىرەپ, قازىر ءبىر عانا ارداگەر قالدى. ول 90-عا كەلسە دە, تۇعىردان تايا قويماعان قادىرمەندى ايسا ساپانوۆ اقساقال. ارامىزدا اسقار تاۋداي بولىپ جۇرگەن اتامىزعا باسىمىزدى ءيىپ, تاعزىم ەتەمىز. بولاشاق ۇرپاقتى وتاندى سۇيۋگە, ەلىنىڭ, تۋعان جەرىنىڭ ادال پاتريوتى بولۋعا, ىنتىماق پەن بىرلىكتى قۇرمەت تۇتۋعا تاربيەلەۋ ىسىنە ءالى دە ۇلەسىن قوسىپ كەلەدى. مەك­تەبىمىزدە وتەتىن ءتالىم-ءتار­بيە ساعاتتارىندا, تاۋەلسىزدىك مەرەكەسى, وتان قور­عاۋشى, جەڭىس كۇنى سياق­تى مەرەكەلىك شارالاردا ءومىر­دەن كورگەنى, تۇيگەنى مول اتانىڭ اڭگىمەلەرىن, ەستەلىكتەرىن شاكىرت­تەرىمىز سۇيسىنە تىڭدايدى. ودان ۇلكەن ۇلاعات الا وتىرىپ اعا ۇرپاق وكىلدەرىنە ۇقساۋعا تال­پىنادى. ادامگەرشىلىك, ازا­ماتتىق, ۇلتجاندىلىق قا­سيەت­تەردى بويلارىنا سىڭىرەدى. وقۋشىلاردان قۇرالعان جاس تيمۋرشىلار اتايدىڭ ۇيىنە بارىپ, قولعابىس بەرىپ تۇرۋدى داستۇرگە اينالدىرعان. جەرگى­لىكتى اكىمدىك تە سىي-سيا­­پات­تارىن جاساپ تۇرادى. جاڭا جىل قارساڭىندا اۋدان ورتالىعى – نوۆويشيم اۋىلىن­دا پاي­دا­لانۋعا بەرىلگەن 3 قابات­تى تۇرعىن ءۇيدىڭ جايلى ءبىر ءپا­تەرى ايسا اتامىزعا تارتۋ ەتى­لىپ, ۇلى جەڭىستىڭ 70 جىلدى­عى قار­ساڭىندا زور قۇرمەت كور­سەتىلدى.  اسەمگۇل جانعۇتتينوۆا, سارىبۇلاق ورتا مەكتەبىنىڭ ديرەكتورى. سولتۇستىك قازاقستان وبلىسى, ع.مۇسىرەپوۆ اۋدانى.