قازاقستاننىڭ جەتەكشى ميكروقارجى ۇيىمى «KMF (قمف)» مقۇ» اق ەكىنشى دەڭگەيدەگى بانككە اينالۋعا رۇقسات العانى تۋرالى حابارلايدى. رۇقساتتى قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى (قنردا) بەردى.
بۇل قادام قارجىلىق قىزمەتتەر سپەكترىن كەڭەيتۋگە جانە ولاردىڭ كليەنتتەرگە قولجەتىمدىلىگىن جاقسارتۋعا باعىتتالعان KMF كومپانياسى دامۋىنىڭ جاڭا كەزەڭىن ايقىندايدى.
«ەكىنشى دەڭگەيلى بانككە اينالۋعا رۇقسات الۋ – ءبىزدىڭ كوماندانىڭ قاجىرلى ەڭبەگىنىڭ جانە رەتتەۋشىمەن سىندارلى ءوزارا ارەكەتتىڭ ناتيجەسى. بۇل قادام ەلىمىزدىڭ قارجى نارىعىنداعى پوزيتسيامىزدى نىعايتىپ, كليەنتتەرىمىزگە ودان دا ساپالى جانە يننوۆاتسيالىق شەشىمدەردى ۇسىنۋعا مۇمكىندىك بەرەتىنىنە سەنىمدىمىز. دەگەنمەن ميسسيامىز وزگەرىسسىز قالادى: شاعىن جانە ورتا بيزنەستى قولداۋ, ونىڭ ىشىندە اۋىل تۇرعىندارىنا ەرەكشە نازار اۋدارۋ, سونداي-اق ولاردىڭ دامۋىنا كومەكتەسەتىن قولجەتىمدى قارجىلىق قىزمەتتەردى ۇسىنۋ», دەپ اتاپ ءوتتى «KMF» مقۇ» اق باسقارما توراعاسى شالقار امانقوس ۇلى ءجۇسىپوۆ.
ترانسفورماتسيالاۋ ۇدەرىسى 2023 جىلدىڭ اقپانىندا كومپانيانى اكتسيونەرلىك قوعامعا اينالدىرۋدان باستالدى, ول وسى ستراتەگيالىق ماقساتقا جەتۋ ءۇشىن جۇمىسىن جالعاستىردى.
بانك ليتسەنزياسىن الۋ ءۇشىن زاڭنامانىڭ بارلىق تالابىنا ساي بولۋ كەرەك. ول ءۇشىن ارنايى جابدىقتار ساتىپ الىنىپ, باعدارلامالىق جاساقتاما ەندىرۋ جانە بيزنەس-ۇدەرىستەردى جاڭعىرتۋ تالاپ ەتىلەدى.
KMF-ءتىڭ بانك مارتەبەسىنە اۋىسۋى ۇسىنىلاتىن ونىمدەردىڭ سپەكترىن ۇلعايتىپ قانا قويماي, كليەنتتەر ءۇشىن جاڭا مۇمكىندىكتەر اشادى:
قارجىلىق ينكليۋزيانى دامىتۋ. قارجىلىق قىزمەتتەرگە قول جەتكىزۋ شەكتەۋلى بولىپ تابىلاتىن شالعاي وڭىرلەردەگى بايلانىستى كۇشەيتۋ. بيزنەستى قولداۋدى نىعايتۋ. كومپانيا شاعىن جانە ورتا بيزنەس, سونداي-اق جەكە كليەنتتەر اراسىندا سۇرانىسقا يە دەپوزيتتەردى, كارتالاردى, نەسيە ونىمدەرىن جانە باسقا دا قىزمەتتەردى ۇسىنۋدى جوسپارلاپ وتىر. يننوۆاتسيالاردى ەنگىزۋ. قىزمەتتەردى جەكەلەندىرۋ ءۇشىن جاساندى ينتەللەكت پەن ماشينالىق وقىتۋدى قوسۋ جوسپاردا بار.«كوپ ۋاقىتتى جانە كوماندانىڭ قاجىرلى ەڭبەگىن تالاپ ەتەتىن اتالعان ۇدەرىس ءبىزدىڭ الدىمىزدان جاڭا كوكجيەكتەردى اشۋعا مۇمكىندىك بەرەدى. ءبىز ەكىنشى دەڭگەيدەگى بانكتەرگە قويىلاتىن جوعارى ستاندارتتارعا ساي بولۋ ءۇشىن تاۋەكەلدەردى باسقارۋمەن, ىشكى باقىلاۋمەن جانە بانك ونىمدەرىن ازىرلەۋمەن اينالىساتىن كوماندالاردى كۇشەيتتىك», دەپ قوستى شالقار امانقوس ۇلى ءجۇسىپوۆ.
بۇل قادام KMF-ءتىڭ كليەنتتەرگە قىزمەت كورسەتۋىن جالعاستىرا وتىرىپ, قارجىلىق تۇراقتىلىقتى نىعايتۋعا, ەل ەكونوميكاسىنىڭ دامۋىنا ۇلەس قوسۋعا دەگەن ۇمتىلىسىن راستايدى.
KMF ءباسپاسوز قىزمەتى
قنردا-نىڭ 18.07.2024 جىلعى
№02.21.0003.M ليتسەنزياسى