پارلامەنت ءماجىلىسى توراعاسىنىڭ ورىنباسارى داريعا نازارباەۆا يتاليانىڭ قازاقستانداعى توتەنشە جانە وكىلەتتى ەلشىسى ستەفانو راۆانياندى ونىڭ ءوتىنىشى بويىنشا قابىلدادى.
تاراپتار قازاقستان-يتاليا ىنتىماقتاستىعىنىڭ جايىن تالقىلاپ, ميلاندا جانە استانادا ەكسپو-2015 جانە ەكسپو-2017 حالىقارالىق كورمەسىن وتكىزۋ ماسەلەلەرىن ءسوز ەتتى. پارلامەنتارالىق بايلانىستى كەڭەيتۋ ماسەلەلەرى دە نازاردان تىس قالمادى.
حالىقارالىق كۇن تارتىبىنە دە ايرىقشا نازار اۋدارىلدى. ستەفانو راۆانيان قازاقستان پرەزيدەنتىنىڭ مىقتى ساياسي ءتاجىريبەسىن العا تارتا كەلىپ, وزەكتى حالىقارالىق ماسەلەلەردى شەشۋدە كورەگەندىك تانىتۋدىڭ ماڭىزدىلىعىنا توقتالدى, دەپ حابارلادى ءماجىلىستىڭ ءباسپاسوز قىزمەتى.