اۋەنىنە الەم تامسانعان ۇلى كومپوزيتور ليۋدۆيگ ۆان بەتحوۆەن 27 جاسىندا ەستۋ قابىلەتىن جوعالتقان. بىراق ول سوعان قاراماستان مۋزىكا جازۋدى جالعاستىرا بەرىپتى.
تاڭعالارلىعى, سازگەر ايگىلى «توعىزىنشى سيمفونياسىن» تولىق ساڭىراۋ كۇيىندە جازىپ شىققان. شىعارما العاش ورىندالعان كەشتە ءوزى دە زالدا بولادى, بىراق ول وركەسترگە قاراپ تۇرعاندىقتان, كورەرمەن قوشەمەتىن ەستي المايدى. سوندا جۇرەگى ەلجىرەگەن ءبىر مۋزىكانت بەتحوۆەندى كورەرمەن جاققا بۇرىپ, حالىقتىڭ تىك تۇرىپ, ۇزاق قول سوعىپ جاتقانىن كورسەتەدى. سول ساتتە بەتحوۆەن جۇرتشىلىقتىڭ ىستىق ىقىلاسىن كورىپ, كوزىنە جاس العان ەكەن.