بۇگىن ساعات 08:00- دەگى جاعداي بويىنشا ەرىگەن قار سۋىنىڭ سالدارىنان 3 وبلىستاعى 3 رەسپۋبليكالىق ماڭىزى بار اۆتوموبيل جولىندا كولىك قوزعالىسىنا شەكتەۋ قويىلدى. بۇل تۋرالى «قازاۆتوجول» ۇق» اق حابارلادى, دەپ جازادى Egemen.kz.
اقتوبە وبلىسى:
- «قاندىاعاش - ەمبى- شالقار - ىرعىز» اۆتوجولىنىڭ 3-92 شاقىرىم ارالىعىندا (قاندىاعاش قالاسى - ەمبى قالاسى) كولىك قوزعالىسىنا شەكتەۋ قويىلدى.
قوستاناي وبلىسى:
- قازاقستان مەن رەسەي اراسىنداعى بەيتاراپ تەرريتورياداعى مارينوۆكا اۋىلىنا جاقىن ايماقتا (رف شەكاراسى) جول جابىق.
سولتۇستىك قازاقستان وبلىسى:
- «پەتروپاۆل قالاسىنىڭ اينالما جولى» اۆتوجولىنىڭ 4-7 شاقىرىمى ارالىعىندا (قوجابەرگەن جىراۋ اينالما جولىنان ەسىل وزەنى ارقىلى وتەتىن كوپىرگە دەيىن) كولىك قوزعالىسىنا شەكتەۋ قويىلعان.
كومپانيا مالىمەتىنشە, قازىرگى ۋاقىتتى رەسپۋبليكالىق جولداردى كۇتىپ-ۇستاۋعا 259 ارنايى تەحنيكا مەن 539 مامان جۇمىلدىرىلعان.