الماتىدا ۇستەل تەننيسىنەن ەل چەمپيوناتى ءوتتى. كوماندالىق جۇيەمەن ۇيىمداستىرىلعان تارتىستا شىعىس قازاقستان وبلىسىنىڭ قۇراماسى جەڭىسكە جەتتى. دەنيس جولۋدەۆ, ساعىنتاي قۇرمامباەۆ, سەرگەي كونوۆالوۆ, تەمىرلان جيەنباەۆ, دانيان شي باستاعان سپورتشىلار فينالدىق سايىستا الماتى قۇراماسىن (داستان جانە ايدوس كەنجىعۇلوۆتار, سانجار جۇبانوۆ, ابدۋللا ماماي, دامير سارسەنباي) 3:0 ناتيجەسىمەن ۇتتى. قولا مەدال قاراعاندى مەن اقتوبە وبلىستارىنىڭ تەننيسشىلەرىنە بۇيىردى. ايەلدەر اراسىندا سارۆينوز ميركاديروۆا, انەل باقىت, گۋزەل تورشاەۆا, ەكاتەرينا پيۋركو, ايا الىمباەۆا سىندى ۇزدىكتەردەن جاساقتالعان الماتى قالاسىنىڭ قۇراماسى قاراعاندى وبلىسىنىڭ (زاۋرەش اقاشەۆا, جانەركە قوشقىمباەۆا, اراي اشكەەۆا, البينا جاقسىلىقوۆا, فاريا فۋ) قىزدارىن 3:2 ەسەبىمەن جەڭدى. قولا مەدالدى قوستاناي وبلىسى مەن شىمكەنت قالاسىنىڭ كومانداسى ەنشىلەدى.