كاسپي تەڭىزىنىڭ اكۆاتورياسىندا گەنەرال-مايور سەرىك بورامباەۆتىڭ باسشىلىعىمەن قازاقستان اسكەري-تەڭىز كۇشتەرىنىڭ وقۋ-جاتتىعۋى ءوتتى. ونىڭ بەلسەندى كەزەڭىن قورعانىس ءمينيسترىنىڭ ءبىرىنشى ورىنباسارى - قارۋلى كۇشتەر باس شتابىنىڭ باستىعى گەنەرال-لەيتەنانت سۇلتان قامالەتدينوۆ قاداعالادى, دەپ حابارلايدى Egemen.kz.
وقۋ-جاتتىعۋ كومانديرلەر مەن تاكتيكالىق بۋىن بولىمشەلەرىنىڭ جاۋىنگەرلىك دايىندىعى مەن كاسىبيلىگىن ارتتىرۋعا, ولاردىڭ اسسيمەتريالىق قاۋىپ-قاتەرلەر جاعدايىندا جاۋىنگەرلىك ءىس-قيمىلدار جۇرگىزۋ دايىندىعىن تەكسەرۋگە باعىتتالعان.
ءۇش كەزەڭدىك كوماندالىق-شتابتىق وقۋ-جاتتىعۋ جۇمىلدىرۋ رەسۋرستارىن قابىلداۋ پۋنكتەرىن ورنالاستىرۋدى, ۇسىنىلعان جولداردى پراكتيكالىق ترالداۋ, اقتاۋ تەڭىز پورتى كەمەلەرىنىڭ كىرۋى مەن شىعۋىن, ورنالاسۋ پۋنكتەرىن جانە تەڭىز ەكونوميكالىق قىزمەتىنىڭ باسقا دا ستراتەگيالىق ماڭىزدى وبەكتىلەرىن كۇزەتۋ مەن قورعاۋدى قامتىدى. سونىمەن قاتار, «كۇدىكتى» كەمەگە تەكسەرۋ جۇرگىزىلىپ, «اپاتتى» كەمەگە كومەك كورسەتىلدى.
وقۋ-جاتتىعۋ اياسىندا تەڭىز مينالارى, جەر ءۇستى جانە اۋە نىساندارى بويىنشا پراكتيكالىق اتىستار ءوتتى. «كاميكادزە-كاتەرلەرىنىڭ», ۇشقىشسىز ۇشۋ اپپاراتتارىنىڭ جانە اۋە شابۋىلى قۇرالدارىنىڭ ءتۇرلى شابۋىلدارىنا تويتارىس بەرىلدى.
كوماندالىق-شتابتىق وقۋ-جاتتىعۋ ۆەدومستۆوارالىق ءوزارا ءىس-قيمىل تەتىكتەرىن جەتىلدىرۋگە ىقپال ەتتى.