ۇلتتىق ۇلان قاتارىنا كوكتەمگى مەرزىمدى اسكەري قىزمەتكە شاقىرۋ جۇرگىزىلەدى, دەپ حابارلايدى Egemen.kz.
كوكتەمگى شاقىرۋ قارۋلى كۇشتەرگە, باسقا دا اسكەرلەر مەن اسكەري قۇرىلىمدارعا شاقىرۋ تارتىبىمەن جۇزەگە اسىرىلادى.
جىل سايىن ۇلتتىق ۇلان قاتارىنا 14 مىڭنان استام ازامات شاقىرىلادى. 2025 جىلعى كوكتەمگى شاقىرۋ ناۋقانى اياسىندا 7 000-عا جۋىق ازاماتتى اسكەري قىزمەتكە قابىلداۋ جوسپارلانعان. اسكەري بولىمدەر 20 مامىر مەن 30 ماۋسىم ارالىعىندا جاساقتالادى.
ۇلتتىق ۇلان قاتارىنا شاقىرىلعان ساربازدار رەسپۋبليكالىق جانە وبلىستىق ماڭىزى بار قالالاردا ورنالاسقان اسكەري بولىمدەردە قىزمەت ەتەدى. ولاردىڭ مىندەتىنە ماڭىزدى مەملەكەتتىك نىسانداردى كۇزەتۋ, ىشكى ىستەر ورگاندارىمەن بىرلەسە قوعامدىق ءتارتىپتى قامتاماسىز ەتۋ, سونداي-اق قىلمىستىق-اتقارۋ جۇيەسى مەكەمەلەرىن كۇزەتۋ كىرەدى.
«قازىرگى ۋاقىتتا ۇلتتىق ۇلان اسكەري بولىمدەرىنىڭ وكىلدەرى قورعانىس ىستەرى جونىندەگى باسقارمالاردا شاقىرىلۋشىلاردى الدىن الا زەردەلەۋ جانە جاساقتاۋ شارالارىن جۇرگىزىپ جاتىر», دەلىنگەن ۇلتتىق ۇلاننىڭ ءباسپاسوز قىزمەتى تاراتقان حابارلامادا.